ТОШКЕНТ, 2 май — Sputnik. ФИФАнинг ЎФФга юборилган хатида ЎФФ 11 майга қадар "Шўртан"га қўлланилган жазо, 1-лигага тушириб юбориш ва уни амалга оширганлиги ҳақида хабар бериши айтилган, деб ёзади championat.asia.
Хабарда айтилишича, бу жазо "Шўртан"ни жорий мавсумдаги иштирокидан қатъий назар 2018 йилда қўлланилиши керак бўлади.
Гап шундаки, "Шўртан" 2011 йил жамоа сафида ҳаракат қилган сербиялик Урош Милославлевичдан қолиб кетган қарзини ўз вақтида тўлаб бермаган. У "Шўртан"дан барча пулларини ололмагани учун ФИФАга арзнома юборган.
ФИФА бу ҳолатни кўриб чиқиб "Шўртан"ни айбдор деб топган ва ФИФА қарорига кўра, ПФЛ 2016 йилнинг 4 сентябрь куни «Шўртан»дан 3 очко олиб ташлаб, клубни жиддий огоҳлантирганди.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
