ТОШКЕНТ, 6 июн — Sputnik. Спутник Ўзбекистон мухбирининг сўзларига кўра, бу ерда автомобиллар сертификатлаштирилади, шунингдек йўл-полигон, иқлим, стенд ва бошқа лаборатория синовларидан ўтказилади. Янги замонавий корхона спорт тадбирларини ўтказишга ҳам ихтисослаштирилган бўлади.
Ушбу лойиҳа самарали амалга оширилиши учун Шавкат Мирзиёев компанияга қатор имтиёзлар ва афзалликларни тақдим этди. Мисол учун, 2020 йил 1 январга қадар янги ташкил этилаётган автомобилларни синовдан ўтказишга мўлжалланган корхона ер солиғи, юридик шахсларга солинадиган мулк ҳамда даромад солиқларидан тўлиқ озод этилади.
Шунингдек, лойиҳа доирасида, компания қурилиш материалларини, асбоб-ускуналарни ва автомобилга керакли эҳтиёт қисмларни, бутловчи буюмларни, технологик ҳужжатларни, ҳамда республикада ишлаб чиқарилмайдиган инструмент ва хом-ашёни Ўзбекистонга божхона йиғимларини тўламасдан олиб кириш имконига эга бўлади.
Қайд этиш жоизки, замонавий овалга ҳамда автомобилнинг энг катта тезлигини "сиқиб олиш" қобилиятига эгалиги учун Пскент автомобил полигонини профессионаллар кўпинча Италиянинг Монца шаҳри яқинида жойлашган дунёдаги энг машҳур пойга трассасига қиёслашади.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
