ТОШКЕНТ, 14 авг — Sputnik. Жорий йил 12 август куни Тошкент шаҳри ҳудудида 5 та йўл-транспорт ҳодисаси қайд этилди, деб хабар қилди Тошкент ИИББ.
Мазкур йўл-транспорт ҳодисасида 7 нафар шахс тан жароҳати олган, вафот этганлар йўқ.
Шу куни ЙПХ инспекторлари томонидан жами 2515 та ҳуқуқбузарлик бўйича маъмурий баённомалар расмийлаштирилган бўлиб, шулардан 656 тасини қўпол турдаги, 33 тасини маст ҳолда транспорт воситасини бошқариш ташкил этган.
Тошкент шаҳар ИИББ ЙҲХБ компьютерлаштирилган бошқарув тизими томонидан 12 август куни жами 334 та ҳуқуқбузарлик қайд этилган бўлиб, шулардан 152 тасини светофорнинг тақиқловчи чироғига бўйсунмасдан ҳаракатланиш, 182 тасини белгиланган меъёрдан юқори тезликда ҳаракатланиш ташкил этади.
