ОЧЛ гуруҳ босқичига қуръа ташланди: Ўзбекистон клублари рақиблари кимлар
19:27 24.08.2023 (янгиланди: 19:31 24.08.2023)
© Ассоциация футбола Узбекистана
Oбуна бўлиш
"Навбаҳор" жаҳон футбол юлдузи Неймар тўп сураётган Саудия Арабистонининг "Ал-Ҳилол" клубига қарши ўйнайди. Сафида яна бир машҳур футболчи Карим Бензема бўлган "Ал-Иттиҳод" ОКМКга рақиб бўлади.
ТОШКЕНТ, 24 авг — Sputnik. Малайзиянинг Куала-Лумпур шаҳрида Осиё чемпионлар лигаси (ОЧЛ) 2023/24 йилги мавсумига қуръа ташлаш маросими бўлиб ўтди.
Қуръага кўра, Тошкентнинг "Пахтакор", Қаршининг "Насаф", Тошкент вилоятининг ОГМК ҳамда Наманганнинг "Навбаҳор" жамоалари гуруҳдаги рақибларини билиб олишди.
Мусобақанинг Ғарбий минтақасидаги гуруҳлар қуйидагича:
"А" гуруҳи: "Пахтакор" (Ўзбекистон), "Ал-Файҳа" (Саудия Арабистони), "Аҳал" (Туркманистон), "Ал-Айн" (БАА);
"Б" гуруҳи: "Ас-Садд" (Қатар), "Насаф" (Ўзбекистон), "Ал-Файсали" (Иордания), "Шаржа" (БАА);
"С" гуруҳи: "Ал-Иттиҳод" (Саудия Арабистони), "Сепаҳон" (Эрон), "Эйр Форс" (Ироқ), ОГМК (Ўзбекистон);
"Д" гуруҳи: "Ал-Ҳилол" (Саудия Арабистони), "Нассажи Мозондарон" (Эрон), "Мумбай Сити" (Ҳиндистон), "Навбаҳор" (Ўзбекистон);
"Е" гуруҳи: "Персеполис" (Эрон), "Дуҳайл" (Қатар), "Истиқлол" (Тожикистон), "Ан-Наср" (Саудия Арабистони).
