ТОШКЕНТ, 14 мар — Sputnik. Шанхай университетида ўзбек шоири ва мутаффакири Алишер Навоий ҳайкали ўрнатилди, деб хабар қилмоқда Подробно.UZ нашри.
Ушбу ёдгорлик Ўзбекистон ва Хитой орасида дипломатик муносабатлар ўрнатилганининг 25 йиллиги шарафига очилди.
Бронза ҳайкалининг баландлиги 3,6 метрни, ҳайкал тагкурсиси баландлиги 1,8 метрни ташкил қилди. Ҳайкал чизмаси ўзбекистонлик ҳайкалтарош Равшан Миртожиев томонидан яратилган. Хитойлик ҳайкалтарошлар эса уни бронзада мужассамлаштиришган.
Ҳайкал оғирлиги 3 тоннани ташкил этади. Эслатиб ўтамиз, бундан 4йил олдин, 2013 йилда Шанхай университети боғида ушбу ёдгорлик пойдеворига биринчи тош қўйилган эди.
