ТОШКЕНТ, 30 мар — Sputnik. Ўзбекистонлик режиссёр Анвар Сафоев 70-Канн кинофестивалининг Short Film Corner дастурида ўзининг "Шамоллар атиргули" (Compass Rose) номли қисқа метражли фильми билан иштирок этади. Бу ҳақда uz24.uz хабар берди.
Фильм ўтган йил августида Калифорния саҳросида 10 кун давомида суратга олинган. Фильмда Франция ва америкалик актёрлар суратга тушишган.
Фильм намойиши 24 май куни Канн кинофестивали залида бўлиб ўтади. Шунингдек, фильм Канн кинофестивалининг яна икки дастури La semaine de la critique (танқид ҳафталиги) ва La quinzaine des réalisateursr (режиссёрларнинг икки ҳафталиги)га тақдим этилган.
Анвар Сафоев 1988 йилда туғилган, Тошкент Давлат маданият ва санъат институтининг "Кино ва ТВ режиссураси" факультетини тамомлаган. Уч йилдан буён Францияда яшаб ижод қилмоқда.
