ТОШКЕНТ, 26 май — Sputnik. Саудия тараққиёт жамғармаси Қорақалпоғистонда намунавий уйлар қурилишига 30 миллион доллар ажратишга тайёрлигини билдирди. Икки давлат ўртасида тегишли шартнома имзоланди, деб хабар қилишди Sputnik мухбирига Иқтисодиёт вазирлигида.
"Бу саудиячиларнинг биринчи транши эмас. Ўтган йилнинг ўрталарида ҳам саудиячилар Хоразм вилояти қишлоқларида 959та намунавий уйлар қурилишига 30 миллион доллар ажратишган эди. Намунавий қурилиш ишларини кредитлаштириш лойиҳасида иккита халқаро молия институтлари – Ислом Тараққиёт банки ва Осиё тараққиёт банки иштирок этмоқда”, — деб таъкидлади манба.
