ТОШКЕНТ, 13 авг — Sputnik. Ўзбекистонда аграр соҳада амалга оширилаётган изчил ислоҳотлар самарасида фермерлар пахта ва ғалла етиштириш билан чекланиб қолмасдан, интенсив боғлар барпо этиш, мева-сабзавот етиштириш ҳамда уни экспорт қилиш билан шуғулланмоқда, деб ёзади "Жаҳон" АА.
"Навоий вилояти деҳқон ва фермерлари ҳам ердан унумли фойдаланиш, аҳоли дастурхони ва бозорлар тўкинлигини таъминлаш мақсадида мева-сабзавот етиштиришнинг ўзига хос усулларидан кенг фойдаланмоқда. Натижада маҳсулотлар хорижга ҳам экспорт қилинмоқда. Ярмаркада вилоятдаги 20 дан ортиқ экспортчи корхона ва фермер хўжаликлари 35 минг тонна мева-сабзавот сотиш бўйича шартномалар имзолади", — дейилади хабарда.
Жорий йилда вилоятда 122,5 минг тонна мева-сабзавот етиштириш мўлжалланган.
