ТОШКЕНТ, 12 окт — Sputnik. Ўзбекистон пахтачилик ва умуман қишлоқ хўжалиги соҳасида ресурсларни тежайдиган технология ва универсал машиналар тизимини жорий этиш орқали 2020 йилга келиб қўл меҳнатини 30%га камайтиришни режалаштирмоқда. Тошкентда бугун очилган XII халқаро ўзбек пахта ва тўқимачилик ярмаркасида намойиш этилаётган материалларни кўздан кечириб худди ана шундай хулосага келиш мумкин.
Ўзбекистонда 2012 йилда қишлоқ хўжалиги ишлаб чиқаришини янада модернизация қилиш, техник ва технологик жиҳатдан қайта жиҳозлаш дастури тўғрисида Давлат дастури қабул қилинган эди. Ҳужжат қўл меҳнати улушини қисқартиришни ҳамда механизация ҳамда инновацияга оид технологиялардан фойдаланишни қўллаб-қувватлашни назарда тутарди.
Жумладан, дастурда 60 турдан зиёд янги техникаларни ташкиллаштириш режалаштирилган эди.
Эътиборлиси, республикада пахтанинг аксарият навлари машинада теришга мослашган. Бундай селекция майдонлари йилига кўпаймоқда, ва яқин истиқболда уларнинг ҳамжми 1 миллион гектарга етказилиши режалаштирилган.
Ўзбекистон қишлоҳ ва сув хўжалиги вазирлиги маълумотларига кўра, 2020 йилга келиб пахта ҳосилининг 80% пахта териш машиналарида йиғиб олинади.