Ўзбекистонда совет даврининг энг машҳур заводи - "Тошўйинчоқ" қайта ишга туширилади

© MICHAL CIZEK / AFPЎйинчоқлар ишлаб чиқарилиши
Ўйинчоқлар ишлаб чиқарилиши - Sputnik Ўзбекистон
Oбуна бўлиш
Ўзбекистон президенти Шавкат Мирзиёев Тошкент шаҳрида замонавий ўйинчоқлар ва болалар буюмлари ишлаб чиқарилишини йўлга қўйиш тўғрисидаги қарорни имзолади

TOШКЕНТ, 7 июл — Sputnik. Ўзбекистонда совет даврининг энг машҳур заводи — "Тошўйинчоқ" фаолияти қайта тикланади, деб хабар қилди Sputnik Ўзбекистон мухбири.

Ўйинчоқлар - Sputnik Ўзбекистон
Ўзбекистон ва Хитой ҳамкорликда ўйинчоқ ишлаб чиқаради
Ҳужжатда айтилишича, собиқ "Тошўйинчоқ" заводининг 12 минг квадрат метр майдонни эгалловчи асосий бинолари узоқ вақтдан бери бўш ётибди, у ердаги ишлаб чиқариш тизимлари яроқсиз ҳолатга келиб қолган.

Давлат раҳбари буйруғи асосида объект беғараз асосда баланс қиймати бўйича Ўзбекистон ташқи иқтисодий фаолият миллий банкига топширилади, сўнг банкнинг бошқарувчи компанияси — NBU Investment МЧЖга сифатли ва замонавий ўйинчоқлар ишлаб чиқаришни ташкил қилишга инвестиция ажратиш шарти билан тақдим этилади

Режага кўра, "Тошўйинчоқ" заводи негизида банк улуши иштирокида турли корхоналар ташкил этилади.  Шу тариқа, кейинчалик Ўзбекистон миллий банки ушбу компаниялардаги ўз улушларини валютага сотиши мумкин.

Миллий банк ва бошқарувчи компанияга 2018 йил 1 мартга қадар ўйинчоқлар ишлаб чиқаришни йўлга қўйиб, ушбу маҳсулотни ҳам ички, ҳам ташқи бозорларда реализация қилиш топширилди.

Янгиликлар лентаси
0