Мирзиёев: Конвертация очилиши жараёни оғир кечаяпти

© Пресс-служба президента РУзПрезидент Узбекистана Шавкат Мирзиёев
Президент Узбекистана Шавкат Мирзиёев - Sputnik Ўзбекистон
Oбуна бўлиш
Шавкат Мирзиёев Бекобод шаҳрига ташрифи чоғида валюта айирбошлаш сиёсатида катта ишлар қилинаётгани ва бу жараён оғир бўлаётганини эътироф этган

ТОШКЕНТ, 21 авг — Sputnik. Ўзбекистон президенти Шавкат Мирзиёев 18 август куни Бекобод шаҳрига уюштирган ташрифи чоғида шаҳар фаоллари билан учрашув ўтказди.

Президент Узбекистана Шавкат Мирзиёев - Sputnik Ўзбекистон
Мирзиёев: агар одамларни энг катта қадрият қилиб юқорига қўймасак, биз хато қилаверамиз

Учрашув ҳақда кўрсатув Uzbekiston 24 телеканали орқали намойиш қилинди.

Бекобод шаҳрида президент Мирзиёев валюта айирбошлаш сиёсатида катта ишлар қилинаётгани ва бу жараён оғир бўлаётганини эътироф этган.

"Биз монитар сиёсатимизда катта-катта ишларни бошладик. Валютамизни айирбошлаш, энг катта нарса — сўмимизни дунё бозорига чиқариш бўйича. Бўлаяпти, лекин оғир бўлаяпти. Оғир бўлади. Бу осон ишлар эмас. Етти марта ўлчаб бир марта кесадиган нарсалар. 33 миллион халқ орқамизда турибди. Невараларимизнинг тақдири бу", — деган президент Шавкат Мирзиёев.

Ўзбек сўмлари - Sputnik Ўзбекистон
Эллик минг сўмлик купюра Ўзбекистон иқтисодиётига қандай таъсир кўрсатади - эксперт фикри
Бекободдаги учрашувда Мирзиёев шунингдек, раҳбарларнинг кечиримли бўлиши ва майда гапларга эътибор бермаслиги кераклигини алоҳида таъкидлади.

"Бағримиз кенгроқ бўлиши керак, бизга ярашади. Кечиримли халқ, кечиримли раҳбар бўлишимиз керак. Биз кичкина-кичкина майда гапларга аралашиб, фисқу-фасод гаплардан йироқ бўлишимиз керак. Ана шунда Худо таоло ўз баракаси, марҳаматини аямайди, юртимиз обод бўлади", — деган Шавкат Мирзиёев.

Эслатиб ўтамиз, Ўзбекистон президентининг 28 июлдаги қарорига асосан маҳсулот ва хизматларни экспорт қилувчи корхоналар 1 августидан бошлаб валюта тушумининг 25 %ини давлатга сотиш мажбуриятидан озод қилинган эди.
Янгиликлар лентаси
0