Марказий банк тадбиркор ва фермерларга валютани нақд олишга рухсат берди

© Sputnik / Владимир Трефилов / Медиабанкка ўтишДоллары США
Доллары США - Sputnik Ўзбекистон
Oбуна бўлиш
Чет эл валютасида даромад олувчи якка тартибдаги тадбиркорлар ва фермер хўжаликлари банк ҳисоб рақамидан чет эл валютасини нақд олиш ҳуқуқи берилди.

ТОШКЕНТ, 20 сен — Sputnik. Ўзбекистон хусусий тадбиркор ва фермер хўжаликларига банкдаги ўз ҳисоб рақамларидан нақд валюта олишга рухсат берилди, деб хабар қилмоқда Sputnik мухбири.

"Чет эл валютасида даромад олувчи юридик шахс ташкил этмасдан фаолият кўрсатувчи якка тартибдаги тадбиркорлар ва фермер хўжаликларига ўз маблағларини эркин тасарруф қилишларини кафолатлаш мақсадида, уларнинг банк ҳисоб рақамидан чет эл валютасини нақд кўринишида олиш ҳуқуқи берилди", — дейилган Марказий банк хабарида.

Банк хабарига кўра, ушбу ислоҳотлар Ўзбекистон президентининг 2017 йил 2 сентябрдаги «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги 5177-сонли фармонини ижро этиш мақсадида амалга оширилган.

Эслатиб ўтамиз, бироз олдин Марказий банк раисининг биринчи ўринбосари Тимур Ишметов Ўзбекистон нақд валюта сотишни бир неча ойдан сўнг, босқичма-босқич очади деган эди.

Янгиликлар лентаси
0