Ўзбекистон маҳсулотлари Amazon орқали ҳам сотилади

© SputnikВыставка ярмарка продукции промышленных товаров Республики Узбекистан 2017
Выставка ярмарка продукции промышленных товаров Республики Узбекистан 2017 - Sputnik Ўзбекистон
Oбуна бўлиш
Ўзбек маҳсулотлари электрон савдо майдонига жойлаштирилади

ТОШКЕНТ, 29 сен — Sputnik. "Ўзтрейд" халқаро ташқи савдо компанияси ва Американинг Amazon корпорацияси ҳамкорлик ҳақида келишув имзолади, деб хабар бермоқда Sputnik мухбири.

Миллий маълумотлар базаси аҳолига тезкор электрон хизматлар кўрсатади

"Ўзтрейд" компанияси бошқаруви раиси Шароф Раҳмоновнинг сўзларига кўра, Ўзбекистон томони электрон тижоратнинг барча устун жиҳатларини, айниқса икки мамлакат орасидаги масофа жуда улкан бўлган шароитда яхши тушунади.

"Ушбу йўналишни ривожлантириш мақсадида Американинг Amazon корпорацияси билан келишув имзоладик. Нью-Йоркдаги савдо уйимизнинг барча омборхоналари ҳозирда тўлиғича ўзбек тадбиркорлари ва корхоналари маҳсулотлари учун ажратилган, биз бу маҳсулотларни электрон савдо майдончасига жойлаштирамиз. Келажак электрон тижорат билан боғлиқ, шу боис бу йўналишни ўзлаштириб борамиз", — деди Раҳмонов.

Ўзбекистон ташқи савдо вазири Элёр Ғаниевнинг фикрича, савдо уйининг асосий вазифаси кичик бизнес ва хусусий тадбиркорлар маҳсулотларининг Америка бозорига киришини таъминлашдир.

Центральная часть города Дели - Sputnik Ўзбекистон
Ўзбекистон Ҳиндистон пойтахтида савдо уйини очди

"Ўзбекистон президентининг АҚШга ташрифи давомида кичик бизнес субъектлари ишлаб чиқарган маҳсулотларни етказиб бериш бўйича 20 миллион долларликдан ортиқ шартномалар имзоланди. Узоқ масофа ва жиддий транспорт харажатлари бўлишига қарамасдан Америка бозорида бизнинг маҳсулотларга қизиқиш мавжуд. Ўзбекистон маҳсулотлари рақобатбардош ва АҚШ бозорида ҳам шундай бўлиб қолади. Шунинг учун Нью-Йорк марказида, Манхеттенда савдо уйи ташкил қилдик. У бизнесимизнинг барча вакиллари учун очиқ", — деди вазир.

Ҳозирда Amazon компанияси Ўзбекистон билан ҳамкорликнинг турли вариантларини кўриб чиқмоқда. Масалан, унинг шўъба корхонаси Amazon Web Services республика ҳудудида қуёш панеллари ўрнатилган маълумотлар марказини қуриши, маҳаллий фойдаланувчилар учун ўз платформалари орқали веб-хизматларни тақдим этиши мумкин.

Янгиликлар лентаси
0