Тошкент вилоятида қурилиш материаллар саноатига 1 миллиард доллар ажратилади

© Sputnik / Сергей Венявский / Медиабанкка ўтишРабота Комбината строительных материалов
Работа Комбината строительных материалов - Sputnik Ўзбекистон
Oбуна бўлиш
Тошкент вилоятида жами 21 та инвестицион лойиҳалар амалга оширилади. Лойиҳаларни рўёбга чиқариш натижасида бу саноат тармоғида 4 мингдан ортиқ янги иш ўринлари яратилади

ТОШКЕНТ, 20 окт — Sputnik. Тошкент вилоятида 2020 йил якунига қадар қурилиш материалларини ишлаб чиқариш соҳасида умумий қиймати 1 млрд доллардан ортиқ 21 та инвестиция лойиҳалари амалга оширилади. Бу ҳақда Sputnik мухбири хабар қилди.

Встреча президента РФ В. Путина с премьер-министром Индии Н. Мод - Sputnik Ўзбекистон
Алишер Усмонов Бухорода замонавий сайёҳлик мажмуасини барпо этади

Шу кунларда Вазирлар Маҳкамаси 2020 йилга қадар Тошкент вилоятининг қурилиш материаллар ишлаб чиқариш саноатини янада ривожлантириш тўғрисидаги манзил дастурини тасдиқлади.

Лойиҳаларнинг катта қисми цемент тармоғи корхоналари томонидан амалга оширилади. Жумладан, Россиянинг "Евроцемент груп" холдинг компанияси йилига 2,4 млн тонна "қуруқ усулда" цемент ишлаб чиқаришни йўлга қўйиш мақсадида 220 млн долларлик маблағни сармоя сифатида киритади.

Бундан ташқари икки дона цемент завод Хитой сармоячилари томонидан қурилади. Биринчи завод Оҳангарон туманида Xin Lei корхонаси базасида барпо этилади. Ушбу завод йилига 108 млн долларлик 1 млн тонна цемент ишлаб чиқариш қувватига эга бўлади. Бошқа завод "Оҳангароншифер" корхонаси базасида ташкил қилинади. Завод йилига қиймати 100 млн долларлик 1 млн тонна цемент ишлаб чиқарилади.

Промзона «Чирчик» - Sputnik Ўзбекистон
Чирчиқ, Янгийўл ва Чиноздаги 80дан ортиқ бўш турган объектлар ишга туширилади
Россиянинг бир гуруҳ инвесторлари томонидан "Ўзбекқурилишбанк" билан ҳамкорликда жуда қизиқарли лойиҳа амалга оширилади. "Паркент" эркин иқтисодий зонасида турли материаллардан замонавий девор гул қоғозларини ишлаб чиқариш йўлга қўйилади. Ташаббускорлар ҳисобига кўра, йилига 3 млн дона гул қоғоз ўрами ишлаб чиқариш режалаштирилмоқда. Лойиҳанинг умумий қиймати 8 млн доллар этиб баҳоланмоқда.

Эронлик шериклар ҳам четда қолмайди. Kashi Ehsan Maybod Co Pjs компанияси томонидан Тошкент вилоятининг Юқори Чирчиқ туманидаги EMG компанияси базасида ялтироқ керамик плиткалар ишлаб чиқариш режалаштирилмоқда. Саноатнинг йиллик қуввати 2,1 млн квадрат метр бўлади.

Вазирлар Маҳкамаси ҳисоб-китобларига кўра, барча лойиҳаларни амалга ошириш натижасида 3900 та янги иш ўринлари яратилиб, тўғридан-тўғри сармояларнинг қиймати 519 млн долларни ташкил қилади.

Янгиликлар лентаси
0