ТОШКЕНТ, 29 июн – Sputnik, Алена Палажченко. Истамбул Халқаро аэропортидаги теракт қурбонлари сони 41 кишига етди, улардан 13 киши – чет эл фуқаролари, деб хабар бермоқда РИА Новости, шаҳар маъмурияти хабари асосида.
“41 киши қурбон бўлди, улардан 13 киши чет эл фуқаролари. Қурбонлардан 37 кишининг шахси аниқланган, қолган 4 кишининг шахси аниқланмоқда. Жароҳатланганлар сони 239 кишига етди. Улардан 109 кишига уйларига жавоб берилди, қолганлар тиббий ёрдам олмоқда”, — дейилган хабарда.
Туркия ОАВлари хабарига кўра, қурбон бўлган 13 кишидан – 5 киши Саудия Арабистони фуқароси, икки киши Ироқ фуқароси, қолганлар Ўзбекистон, Украина, Эрон, Иордания, ХХР ва Тунис фуқароларидир.
Спутник Туркия саҳифасида аэропортда қурбон бўлганлар рўйхати эълон қилинди. Ушбу рўйхатда қурбонлар орасида Ўзбекистон фуқароси Мухиддинов Самат деб кўрсатилган.
BREAKING: Death toll from #Istanbul attack reaches 40. Media publishes names & citizenship https://t.co/3d1RsoO04h pic.twitter.com/F9tBz0kL0L
— Conflict News (@Conflicts) 29 июня 2016 г.
