ТОШКЕНТ, 11 окт — Sputnik. Қозоғистонда ички ишлар ва махсус хизматлар ходимларига нисбатан террорчилик ҳаракатини амалга оширишни режалаштирган уч нафар радикал гуруҳ аъзоси қўлга олинди. Бу ҳақда республика миллий хавфсизлик қўмитаси сайтида хабар берилди.
Қўлга олинганларнинг ёнидан қўлбола портловчи қурилмалар ва детонаторлар, диний-экстремистик ҳамда теракт уюштиришга чорловчи материаллар чиққан.
Миллий хавфсизлик қўмитасининг маълумотига қараганда, йил бошидан буён Олмаотада 29 нафар экстремистик кайфиятдаги шахсларнинг жиноий ҳаракатига чек қўйилган. Ушбу ҳолат юзасидан тезкор суриштирув ишлари давом этмоқда.