11:41 21 Август 2017
Эфир
Истанбулдаги терактни амалга оширганликда гумонланаётган шахс

ОАВ: Истанбулдаги терактда Қирғизистон фуқароси гумон қилинмоқда

© Ruptly.
Ҳодисалар
Ҳавола олиш
Истанбулдаги тунги клубда амалга оширилган теракт (12)
20912

Илгарироқ Истанбулдаги тунги клубда рўй берган теракт Ўзбекистон ёки Қирғизистон фуқароси томонидан амалга оширилган бўлиши мумкин, деган хабарлар тарқатилган эди. Айни вақтда мудҳиш террорчилик актида Қирғизистон фуқароси гумонланаётгани аниқ бўлди

ТОШКЕНТ, 3 янв — Sputnik. Истанбулдаги тунги клубда амалга оширилган терактда Қирғизистон фуқароси гумон қилинмоқда. Турк ОАВларига кўра, террорни амалга оширган шахс уч ой олдин олинган Қирғизистон фуқароси паспортига эга бўлган, деб ёзмоқда Спутник Қирғизистон нашри.

Хабарда таъкидланишича, Туркия ҳуқуқни муҳофаза қилиш органлари Истанбулдаги тунги клубда террорчилик актини амалга оширганликда гумонланаётган жиноятчининг шахсини аниқлашга муваффақ бўлган. Тахминларга кўра, тунги клубга ҳужум қилган террорчи — бу Қирғизистон фуқароси, 28 яшар Яхъё Машраповдир.

​Террорда гумонланаётган шахс паспорти Туркиянинг TRT World телеканали эфирида намойиш этилган.

Ҳужжат 2016 йилнинг 21 октябрида Қирғизистон Давлат рўйхатдан ўтказиш хизмати томонидан берилган.

Эслатиб ўтамиз, терактни амалга оширган шахс ҳозирча озодликда. Туркия куч ишлатиш ходимлари уни қидиришда давом этмоқда.

Истанбул шаҳрининг Зейтинбурну туманида 2 январга ўтар кечаси жиноятчини қўлга олиш бўйича махсус операция амалга оширилган.

Илгарироқ эса, Туркия полициячилари тунги клубдаги мудҳиш террорчилик акти Ўзбекистон ёки Қирғизистон фуқароси томонидан амалга оширилган бўлиши мумкинлигини маълум қилган эди.

Тунги клубга амалга оширилган ҳужум оқибатида 39 киши, шу жумладан 16 нафар чет эл фуқаролари ҳалок бўлган.

Ушбу теракт учун жавобгарликни "Ислом давлати" террорчилик уюшмаси ўз бўйнига олган.

Мавзу:
Истанбулдаги тунги клубда амалга оширилган теракт (12)
Теглар:
тунги клуб, Истанбул, теракт, селфи

Асосий мавзулар