ТОШКЕНТ, 27 апр — Sputnik. Дамашқ аэропорти ҳудудида кучли портлаш содир бўлди, деб хабар бермоқда РИА Новости "Ал-Маядин" телеканалига таяниб.
Портлаш шу даражада кучли бўлганки, унинг товуши аэропортдан 25 километр узоқликдаги масофадан ҳам эшитилган.
ОАВнинг хабар беришича, портлашдан сўнг ёнғин бошланган. Ливаннинг "Ал-Манар" телеканали аэропорт ҳудудида Исроил авиазарбаси оқибатида ёнилғи омбори ёниб кетганини хабар қилмоқда.
Ҳозирча Сурия ва Исроил томонидан расмий изоҳ берилмади.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.