TOШКЕНТ, 16 август — Sputnik. Миллий хавфсизлик хизмати Жиззах вилояти бошқармасининг тезкор ходимлари жиноят ишлари бўйича Жиззах вилоят судининг судьяси Юнус Сидиқовни қўлга олишди. Бу ҳақда uzbekistan24.uz хабар қилмоқда.
Маълум қилинишича, у фуқаро Нафиса Ҳасановадан 300 доллар ва 500 минг сўм пул олган.
У бу пулларга Нафиса Ҳасанованинг турмуш ўртоғи Нўмон Ҳасановга қўйилаётган айбловларни кассацион судда кўриб чиқишга ваъда берган.
Мазкур ҳолат юзасидан Ўзбекистон Жиноят кодексининг тегишли моддалари бўйича жиноят иши қўзғатилди.
