14:03 20 Октябр 2017
Эфир
Автобус и поезд столкнулись на ж/д переезде во Владимирской области

Владимирдаги ЙТҲда ҳалок бўлган 16-фуқаронинг шахси аниқланди

МЧС РФ
Ҳодисалар
Ҳавола олиш
Владимирдаги автобус фожиаси (18)
986 0 0

Ҳозирги кунда вафот этган фуқаронинг жасадини Ўзбекистонга олиб келиш бўйича ташкилий ишлар амалга оширилмоқда

ТОШКЕНТ, 11 окт — Sputnik. Ўзбекистон Республикасининг Россия Федерациясидаги Элчихонасининг берган маълумотига кўра, жорий йилнинг 9 октябр куни Владимир вилоятидаги ўзбек диаспораси кўмагида, ЙТҲ оқибатида вафот этган, аввал шахси аниқланмаган сўнгги фуқаронинг ҳам шахси аниқланди, деб хабар берди Ўзбекистон ФВВ матбуот-хизмати.

Хабарга кўра, у 1979 йил 7 март куни туғилган Ўзбекистон Республикаси фуқароси Усмонов Жўрабек Жумаевич бўлиб, Сурхондарё вилояти Сариосиё тумани Шерозий маҳалласида истиқомат қилган.

Ҳозирги кунда вафот этган фуқаронинг жасадини Ўзбекистонга олиб келиш бўйича ташкилий ишлар амалга оширилмоқда.

Шунингдек, ЙТҲ оқибатида жароҳатланган 6 ёшли қизча жорий йилнинг 10 октябрь куни Россия Федерацияси ФВВнинг вертолётида Москва шаҳрига даволаниш учун олиб келинган бўлиб, учиш давомида унинг аҳволи ёмонлашмаган, қизчага врачлар томонидан зарурий ёрдам кўрсатилган.

Мавзу:
Владимирдаги автобус фожиаси (18)

Асосий мавзулар