ТОШКЕНТ, 14 дек — Sputnik. Ўзбекистон Республикаси Бош прокуратураси ҳузуридаги Мажбурий ижро бюросининг Янгиқўрғон тумани бўлими ходимлари Қизилқиёқ маҳалласида яшовчи Тоҳир Худойбердиевга халқимизнинг "Кўза кунда эмас, кунида синади", деган мақоли нақадар тўғри эканлигини исботлаб қўйишди, деб хабар қилди "Халқ сўзи" нашри.
Табиийки, келтирилган зарар тўлиқ ундириб олинди.
Ўзбошимча истеъмолчининг бу найранги шунинг ўзи билангина баҳоланиб қолгани йўқ. У қонунбузарлиги учун энг кам ойлик иш ҳақининг беш баробарига тенг жарима ҳам тўлайдиган бўлди.
МИБнинг туман бўлими бошлиғи Асқаржон Маматхонов бу сингари қонунбузарлик ҳолатларининг ҳар бир кўринишига нисбатан қатъий чора кўрилаётганини таъкидлади. "Хусусан, фаолият бошлаганимиздан буён ўтган вақт ичида ходимларимиз томонидан биргина электр энергиясидан ноқонуний фойдаланиш билан боғлиқ 113 та ҳолат аниқланиб, айбдорлар давлатга 116,5 миллион сўм миқдорида зарар етказганликлари фош қилинди ва унинг асосий қисми ундириб олинди", — деди у.
