МСК тўртта сиёсий партияга сайловларда иштирок этишга рухсат берди

© ЦИК УзбекистанаЎзбекистонда президент сайловлари
Ўзбекистонда президент сайловлари - Sputnik Ўзбекистон
Oбуна бўлиш
Бугун Ўзбекистон Республикаси Марказий сайлов комиссиясининг мажлиси бўлиб ўтди. Марказий сайлов комиссияси сиёсий партияларнинг ваколатли вакилларига рўйхатга олинганлик гувоҳномаларини ва белгиланган намунадаги имзо варақаларининг бланкаларини берди.

ТОШКЕНТ, 23 сен — Sputnik. Жорий йилнинг 23 сентябрь куни Ўзбекистон Республикаси Марказий сайлов комиссиясининг мажлиси бўлиб ўтди. Уни Комиссия раиси М. Абдусаломов бошқарди, деб хабар қилинган Ўзбекистон Республикаси Президенти сайловини ёритиш бўйича Республика матбуот-маркази.

Хабарда айтилишича, мажлисда сиёсий партиялар вакиллари, оммавий ахборот воситаларининг ходимлари иштирок этган.

Журналистлар - Sputnik Ўзбекистон
Марказий сайлов комиссияси бир қатор ОАВлар билан сайловни ёритиш бўйича битимлар имзолади
"Ўзбекистон Республикаси Президенти сайлови тўғрисида"ги Қонуннинг 241–моддаси ва "Ўзбекистон Республикаси Марказий сайлов комиссияси тўғрисида"ги Қонуннинг 5-моддасига мувофиқ Марказий сайлов комиссияси 2016 йилги президентлик сайловида иштирок этиш учун сиёсий партияларнинг тақдим этилган аризалари ва бошқа ҳужжатларини кўриб чиқиб, Ўзбекистон "Миллий тикланиш" демократик партияси, Тадбиркорлар ва ишбилармонлар ҳаракати – Ўзбекистон Либерал-демократик партияси, Ўзбекистон Халқ демократик партияси, Ўзбекистон "Адолат" социал-демократик партиясига сайловда иштирок этишга ижозат бериш тўғрисида қарор қабул қилди.

"Марказий сайлов комиссияси сиёсий партияларнинг ваколатли вакилларига рўйхатга олинганлик гувоҳномаларини ва белгиланган намунадаги имзо варақаларининг бланкаларини берди", — дейилган хабарда.

Мажлисда Ўзбекистон Республикаси Президенти сайловини ўтказувчи округ сайлов комиссияларини тузиш ва уларнинг шахсий таркибини тасдиқлаш тўғрисидаги масала ҳам кўриб чиқилган.

Комиссия аъзолари сайловга тайёргарлик кўриш ва уни ўтказиш билан боғлиқ бошқа масалаларни ҳам кўриб чиққанлар. Барча муҳокама қилинган масалалар бўйича тегишли қарорлар қабул қилинган.

Янгиликлар лентаси
0