ТОШКЕНТ, 11 окт — Sputnik. Қорақалпоғистонда ва Қашқадарёда туманлар ИИБ бошлиқлари ўзгарди.
Қорақалпоғистоннинг Беруний ва Мўйноқ туманлари ички ишлар бўлимларига янги бошлиқлар тайинланди. Бу ҳақда "Постда" нашрига таянган ҳолда кун.уз хабар берган.
Хабарда айтилишча, Беруний туман ИИБга подполковник Гурбангелди Аметов, Мўйноқ туман ИИБга — подполковник Жамбил Арзуев бошлиқ этиб тайинланган.
Шунингдек, Қашқадарё вилоятининг Китоб туман ички ишлар бўлимида ҳам янги бошлиқ фаолиятини бошлаган. Ушбу бўлимга подполковник Шуҳрат Искандаров раҳбарлик қилиши айтилмоқда.