Алкогол сотишга рухсатнома олиш учун электрон ариза бериш мумкин

ТОШКЕНТ, 20 окт — Sputnik. Тошкент шаҳар туман Ҳокимиятларининг янги хизмати "Умумий овқатланиш корхоналари томонидан алкоголли маҳсулотларни сотиш ҳуқуқи учун рухсат гувоҳномасини олишга" ариза тақдим этиш имкониятини беради, деб хабар қилади uz24.uz нашри.

"Ушбу хизматдан умумий овқатланиш корхоналари бор юридик шахслар фойдаланиши мумкин. "Умумий овқатланиш корхоналари томонидан алкоголли маҳсулотлар сотиш тартибини такомиллаштириш чора-тадбирлари тўғрисида" 2012 йил 28 мартдаги №89 сон қарорига асосан рухсат гувоҳномасини бериш учун белгиланган миқдорда йиғим ундирилади", — дейилган хабарда.

Умумий овқатланиш корхоналари томонидан алкоголли маҳсулотларни сотиш ҳуқуқи учун рухсат гувоҳномасини олиш тўғрисида аризачини хабардор қилиш ушбу хизматнинг натижаси ҳисобланади.

Хизматни кўрсатиш муддати 15 кун.