Ўзбекистонда саратонга чалинган беморлар учун хоспислар қурилади

© Sputnik / Сергей Мамонтов / Медиабанкка ўтишХоспис
Хоспис - Sputnik Ўзбекистон
Oбуна бўлиш
Онкология хизматини ривожлантириш дастури доирасида 2020 йилга қадар Ўзбекистоннинг тўрт региони - Тошкент, Урганч, Фарғона ва Самарқандда рак касаллигига чалинган беморлар учун хоспислар қурилиши режалаштирилган

ТОШКЕНТ, 22 мар — Sputnik. Соғлиқни сақлаш вазирлиги 2020 йилга қадар саратон касаллигининг энг сўнгги босқичини бошдан кечираётгаен беморларга хизмат кўрсатиш сифатини оширишни режалаштирмоқда, деб хабар қилди Uzbekistan Today.

Шифокорлар иш устида - Sputnik Ўзбекистон
Россиялик олимлар саратон шишини 90% га йуқ қилиш усулини топишди
"Айни вақтда бизда ҳали унчалик ривожланмаган — хоспислар масаласини ҳал этишни режалаштиряпмиз. Бу мантиқан тўғри: онкология бор жойда, хоспислар ҳам бўлиши лозим", — деб айтган Республика онкология илмий маркази раҳбари Мирзағолиб Тиллашайхов.

Тиллашайховга кўра, Ўзбекистонда бир неча йил аввал "Кексаларни эъзозлаш йили" Давлат дастури доирасида бу масала кўтарилган. "Эндиликда онкология хизматини ривожлантириш дастури доирасида 2020 йилга қадар тўрт регионла хоспислар қурилиши масаласини кўтариб чиқдик. Тиббий муассасалар — Тошкент, Урганч, Фарғона ва Самарқандда қурилиши режалаштирилган. Хоспислар айнан саратон касаллигига чалинган беморлар учун мўлжалланиб қурилади, негаки, бу дардга чалинган беморлар касалликнинг энг сўнгги босқичида ҳам даволаш ва парваришда алоҳида ёндашувни талаб қиладилар", — дея қўшимча қилган у.

Республика онкология илмий маркази раҳбарининг сўзларига кўра, шунингдек, барча онкология диспансерларида паллиатив даволаш бўлимларини ташкил қилиш режалаштирилмоқда. Яъни, касалликни даволаш мумкин эмаслиги аниқ бўлгач, даволаш — оғриқ синдромларини юмшатишга ва бу билан бемор ҳаёти сифатини яхшилашга қаратилган бўлади.

Эслатиб ўтамиз, хоспис — бу давоси йўқ касалликларга чалинган беморларга муносиб хизмат кўрсатиладиган тиббий муассасадир.

Янгиликлар лентаси
0