"Таҳлилнома"даги ноу-хау ўзбекистонликларни ҳайратлантирди

© Facebook / Фозил Фарҳод"Таҳлилнома" кўрсатуви янгича талқинда
Таҳлилнома кўрсатуви янгича талқинда - Sputnik Ўзбекистон
Oбуна бўлиш
Ўзбекистон президентининг 30-март кунги видеоселектор давомида телевидение фаолиятини танқид қилиб, "ура-урачилик замони ўтди" деб айтган гапидан сўнг маҳаллий телеканаллар, хусусан "Ўзбекистон" телеканали хусусида танқидий фикрлар чоп этилган эди

ТОШКЕНТ, 17 апр — Sputnik. Президент Шавкат Мирзиёев томонидан айтилган танқидий фикрларни муҳокама қилар экан, интернетдаги ижтимоий тармоқларда ўтирган ўзбекистонликларнинг маҳаллий телевидениеда "орзиқиб кутадиган", "сел бўлиб кўрадиган" кўрсатувлар йўқлигидан нолишди.

Бошловчи - Sputnik Ўзбекистон
Теле-журналистика камчилиги ҳақида бир чимдим
Аммо танқид ўз мевасини бера бошлади.

Журналист Фозил Фарҳод ижтимоий тармоқдаги саҳифасида "Таҳлилнома"даги ўзгаришлар хусусида фикрларини қуйидагича ёзиб қолдирган:

"16 апрель куни кеч соат 9:00да эфирга узатилган дастурнинг янги формати, айрича қиёфаси 9 апрель кунги русча-ўзбекча сонларидагидай кўнглимни кўтарди: саҳифалаш давомида нуқтаи назар, таҳлил ва баҳолаш мезонларига урғу берилди.

Янги бошловчи, воқеаларга янгича ёндошув, расмий дастур бўлишига қарамасдан "одамга ўхшаб" гапирилган сўзлар, янги иборалар, танқидий лавҳалар… Айниқса: "Раҳбар" сўзини катта, кенг ва ёруғ хона, телефонлар қатор жойлашган эман столи ва қулай чарм курси тушунчалари билан тасвирлаш вақтлари ортда қолди”, каби тишимизнинг кавагида асралган аччиқ ҳақ гаплар анча йиллардан бери оғзига талқон солиб олган журналистикамизда юракни ҳаяжонга соладиган яхши янгилик.

Тўғри, камчиликлар ҳам бор, бўлди! Баъзи зерикарли лавҳалар дастурнинг позитив руҳини тушириб юборганини ҳам тан олиш керак. Бу сингари айбгиналар келаси дастурлар давомида тузатиб борилаверади.

Теледастурлар студияси - Sputnik Ўзбекистон
ОАВ: Ахборот дастури жонли эфирда намойиш этилди
Ишқилиб, ўзгаришлар шу жойда қотиб қолмасин! Ижодкорларга худо куч берсин! Дастур шу даражада юксалсинки, кенг аудитория якшанба кеч соат 7:30, 9:00ни интиқиб кутадиган бўлсин!

Яна бир хушхабар, дастур раҳбарларнинг ортиқча қиртишлашларидан, цензурасидан ҳоли бўлди: эркин, ижодий, кўтаринки.
Бу ҳақда сиз нима дейсиз, азиз томошабин?"

Янгиланишларга муносабат, ўринли танқид ва таклифларингиз дастур ижодкорларига йўлчироқ бўлса, ажабмас, деб умид билдирган Фозил Фарҳод.

Янгиликлар лентаси
0