Тошкент чиройига чирой қўшилади: Ўзбекистонга даниялик машҳур архитектор Ян Гейл келди

CC BY 2.0 / gene driskell / Jan GehlЯн Гейл, даниялик архитектор
Ян Гейл, даниялик архитектор - Sputnik Ўзбекистон
Oбуна бўлиш
Ян Гейл Тошкент шаҳри меъморчилигини кўздан кечириши ва ўзининг қимматли маслаҳатлари билан ўртоқлашиши, Симпозиумлар саройида "Замонавий жаҳон меъморчилиги" мавзусида семинар-тренинг ўтказиши белгиланган

ТОШКЕНТ, 16 май — Sputnik. Машҳур даниялик архитектор Тошкентга ташриф буюрди, деб хабар қилди Тошкент ҳокимлиги матбуот-хизмати.

Туйтепа шаҳри - Sputnik Ўзбекистон
Тошкент вилояти маъмурияти Тўйтепага кўчирилади
"Ўзбекистон Республикаси Вазирлар Маҳкамаси томонидан тасдиқланган дастурга кўра, бугун мамлакатимизга халқаро архитектор Ян Гейл ташриф буюрди", — дейилади хабарда. 

Дастурга кўра, шаҳар жамоат майдонларини лойиҳалаштириш ва шаҳардаги муҳитни яхшилаш масалалари бўйича тан олинган эксперт Ян Гейл Тошкент шаҳри меъморчилигини кўздан кечириши ва ўзининг қимматли маслаҳатлари билан ўртоқлашиши, Симпозиумлар саройида "Замонавий жаҳон меъморчилиги" мавзусида семинар-тренинг ўтказиши белгиланган.

Архитектор шунингдек, Самарқандга ташриф буюриб, шаҳардаги диққатга сазовор жойлар билан танишади.

Ян Гейлнинг 50 йиллик тадқиқотлари натижасида мавжуд шаҳар ва ҳудудларда мафтункор, гавжум ва аҳоли учун соғлом жамоат ҳудудини яратиш имконияти юзага келган. Профессор Нью Йорк, Копенгаген, Сидней, Лондон, Мельбурн каби йирик шаҳарларнинг ободончилигига кўча ва жамоат жойларини лойиҳалашга қўшган ҳиссаси учун кўплаб мукофотлар соҳиби бўлган.

Тошкент вилояти ҳокимлиги - Sputnik Ўзбекистон
Мирзиёев Тошкент вилояти ҳокимиятини Тўйтепага кўчириб, шаҳарни янгидан қурмоқчи
1971 йилда Ян Гейлнинг "Бинолар орасидаги ҳаёт" номли китоби чоп этилган. Гейл шаҳарнинг шакл-шамойилини яхшилашга оқилона ва содда ёндашув: шаҳар шаҳар майдонларини тизимли ҳужжатлаштириш, босқичма-босқич яхшилаш ва яна ҳужжатлаштириш тарафдоридир. У ўзининг "Жамоат жойлари. Жамоат ҳаёти" китобида Копенгаген 40 йил ичида автоулов шаҳридан пиёдалар шаҳрига айланганини баён қилган. Копенгагендаги Стрёгет пиёдалар кўчаси Гейлнинг меҳнати натижаси бўлиб,  Европадаги энг узун савдо пиёда зонаси ҳисобланади.

2007 йилда Нью Йоркнинг Транспорт департаменти Ян Гейл билан ҳамкорликда пиёдалар ва велосипедистлар учун қулайликлар яратиш борасида фаолият олиб борган.

Гейл Нью Йорк, Лондон ва Москва шаҳарларида жамоат жойларини аҳоли учун қулайлаштириш юзасидан ўз тавсияларини ишлаб чиққан.

2015 йилда Ян Гейлни шаҳар маъмурияти Олмаота шаҳрининг қиёфасини тубдан ўзгартириш учун таклиф қилган.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0