00:01 18 Октябр 2017
Эфир
Япония байроғи

Япония ўзбекистонликларга виза олиш тартибини соддалаштирди

© Flickr/ mike george
Янгиликлар
Ҳавола олиш
312 0 0

Япония қисқа муддатли виза олиш учун ариза бериш тартибининг соддалаштирилгани ҳақида Ўзбекистонни расман хабардор қилди

ТОШКЕНТ, 19 июн — Sputnik. Япония визасини олиш учун ариза билан мурожаат қилиш жараёни соддалаштирилди, деб хабар қилди Ўзбекистон ТИВ матбуот-хизмати.

"Япония томон Ўзбекистон Республикаси Ташқи ишлар вазирлигини Ўзбекистон фуқаролик паспортига эга бўлган шахслар томонидан Японияга қисқа муддатли виза (90 кундан ошмаган муддатга) олиш учун ариза бериш тартибининг соддалаштирилгани ҳақида расман хабардор қилди", — дейилади хабарда.

Соддалаштирилган тартиб қуйидагиларни ўз ичига олади:

1) ишбилармонлик мақсадлари билан боғлиқ бўлган, маданият ва интеллектуал меҳнат арборлари учун сафар қилиш соҳаларини кенгайтириш. Фуқаро айни шу виза билан Японияга қайта ташриф буюрганда ундан туристик мақсадларда ҳамда қариндош ва танишларини зиёрат қилиш мақсадларида фойдаланиши мумкин;

2) давлат ташкилотлари, Япония фонд бозорларида рўйхатга олинган ташкилотлар томонидан молиялаштириладиган компаниялар ходимларига ҳамда Японияга аввал ҳам ташриф буюрган аризачиларнинг кўп марталик қисқа муддатли визалари амал қилиш муддатини уч йилдан беш йилга узайтириш;

3) бир марталик қисқа муддатли виза олиш учун ариза билан мурожаат қилинганда кафолатлаш тизимини бекор қилиш.

Керакли ҳужжатлар рўйхати ва ариза билан мурожаат қилиш тартиби тўғрисидаги тўлиқ маълумотни Япониянинг Ўзбекистон Республикасидаги Элчихонаси веб-сайтидан олишингиз мумкин.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Теглар:
Япония, Ўзбекистон, виза

Асосий мавзулар