"Ўзбекнефтгаз" МХК ўзбекистонликларга Спарк ютиб олиш имкониятини тақдим этмоқда

ТОШКЕНТ, 23 июн — Sputnik. Нефтгаз соҳасига мансуб миллий бренд логотипи бўйича ўз таклифларини нафақат профессионал реклама компаниялари ва агентликлар, балки хусусий шахслар (фрилансерлар, талабалар ва ҳ.к.) ҳам тақдим этишлари мумкин.

Барча ишларни "Ўзбекнефтгаз" МХК ва Ўзбекистон нефт-газ ва геология ходимлари касаба уюшмаси Республика Кенгаши раҳбарияти вакилларидан иборат бўлган танлов комиссияси кўриб чиқади.

Комиссия ишларни қуйидаги мезонлар бўйича баҳолайди:

— компания фалсафаси, миссияси ва қадриятларини акс эттириш

— логотип ғоясининг теранлиги ва лўндалиги;

— логотип босма ва нобосма материаллар, брендлаштирилган маҳсулот ва корпоратив совғаларига мослашувчанлиги;

логотипнинг кўзга кўринадиган қисми креативлиги ва янгичалиги (янги логотип амалдагига ўшаш бўлмаслиги лозим).

Комиссия 50 (элликта) энг яхши ишларни танлаб олади ва финал босқичи иштирокчилари орасида очиқ танлов ўтказади.Финал қатнашчиларининг ишлари, танлов натижалари ва ғолибнинг номи компания расмий сайтида эълон қилинади.

Танлов ғолиби қимматбаҳо соврин — Chevrolet Spark автомобили билан тақдирланади.

Танловда иштирок этиш учун талабномалар 2017 йил 21 июлгача қабул қилинади.

Танлов якунлари 2017 йил 25 августда сарҳисоб қилинади.

Ғолиблар номларини эълон қилиш ва тақдирлаш маросими жорий йил 30 августда (Ўзбекистон Республикаси Мустақиллиги Куни арафасида) ўтказилади.