Самарқандда Шарқ алломалари ишларига бағишланган халқаро анжуман ўтказилади

© Михаил ГенисСамарқанд
Самарқанд - Sputnik Ўзбекистон
Oбуна бўлиш
Конференция ишида YUNESKO, IHT, AYSESKO, IRSIKA каби нуфузли халқаро ташкилотлар, дипломатик корпус вакиллари, жаҳоннинг йирик музейлари, илмий ва таълим муассасалари вакиллари иштироки кутилмоқда

ТОШКЕН, 5 авг — Sputnik. 28-30 август кунлари Самарқанд шаҳрида "Жаҳон тамаддуни тарихида Марказий Осиё ренессанси" мавзусида халқаро конференция бўлиб ўтади, деб хабар қилинди Ўзбестон Фанлар Академияси сайтида.

Ўзбекистон республикаси президенти Шавкат Мирзиёев - Sputnik Ўзбекистон
Шавкат Мирзиёев: илм-маърифатни ривожлантирсак, ҳеч қачон кам бўлмаймиз
Анжуман Марказий Осиё олим ва мутафаккирларининг абадий тарихий меросини чуқур ўрганиш ва англаш, мамлакат ва жаҳон жамоатчилигини ўзбек мутафаккирларининг аниқ, табиий фанлар ва ислом илмлари ривожига қўшган ҳиссаси билан таништириш, илмий марказлар ва дунёнинг етакчи олимларини уларнинг ишлари ва кашфиётларини ҳар томонлама ўрганишга жалб этиш, ушбу беқиёс интеллектуал бойликни кўз қорачиғидек асраш ва оммалаштириш мақсадида ўтказилмоқда.

Мазкур конференция 2014-йил Самарқанд шаҳрида "Ўрта асрлар Шарқ алломалари ва мутафаккирларининг тарихий мероси, унинг замонавий цивилизация ривожидаги роли ва аҳамияти" мавзуида бўлиб ўтган конференциянинг мантиқий давоми экани қайд этилган.

Ушбу конференцияда IХ-ХII асрларда Марказий Осиё Уйғониш даврининг таркибий қисмларидан бўлган ислом илмлари бўйича бой мерос ҳам муҳокама қилинади.

Конференция ишида Муҳаммад ал-Хоразмий, Аҳмад ал-Фарғоний, Абу Райҳон Беруний, Ибн Сино, Маҳмуд аз-Замахшарий, Мирзо Улуғбек, Алишер Навоий ва бошқаларнинг, шунингдек, Имом ал-Бухорий, Бурхониддин Марғиноний, Имом Исо ат-Термизий, Абу Мансур Мотуридий каби диний уламоларнинг илмий мероси таҳлилига алоҳида эътибор қаратилади.

Мечеть Сузук-ота в Ташкенте - Sputnik Ўзбекистон
Мирзиёев ислом дини йўналишлари бўйича илмий мактаблар ташкил этишни таклиф қилди
Мутафаккир олимларнинг илмий фаолияти таҳлилига багъишланган мамлакатимиз ва хориждаги етакчи тадқиқотчиларнинг маърузаларида Марказий Осийода IХ-ХII ва XIV-XV асрларда рўй берган илмий маданий уйғонишнинг турли жиҳатлари кенг ёритилади.

Конференция ишида YUNESKO, IHT, AYSESKO, IRSIKA каби нуфузли халқаро ташкилотлар, дипломатик корпус вакиллари, жаҳоннинг йирик музейлари, илмий ва таълим муассасалари вакилларининг иштироки кутилмоқда.

Конференция ўрта асрлар Марказий Осиё олимларининг меросини ҳамкорликда ўрганиш шаклида Ўзбекистон ва етакчи хорижлик олимлар ўртасида яқин илмий ҳамкорликни йўлга қўйиш борасидаги муҳим босқич бўлиши қўшимча қилинган.

Режага кўра, конференция якунида тезислар тўплами чоп этилди.

Янгиликлар лентаси
0