Ўзбекистон ва БМТ ҳамкорлик истиқболларини белгилаб олишди

© Jewel SAMAD / AFPФлаг ООН
Флаг ООН - Sputnik Ўзбекистон
Oбуна бўлиш
Томонлар гиёҳвандлик воситалари контрабандаси ва трансмиллий уюшган жиноятчиликка қарши курашиш, Ўзбекистонда инсон ҳуқуқларини, жумладан, маҳкумларнинг ва маҳбусларнинг ҳуқуқларини таъминлаш каби бир қатор масалаларни муҳокама қилишди

ТОШКЕНТ, 24 янв — Sputnik. БМТнинг Гиёҳвандлик воситалари ва жиноятчилик бўйича бошқармасининг Марказий Осиёдаги минтақавий ваколатхонаси раҳбари Ашита Миттал, "Одил жиноий судлов ҳамда жиноятчилик ва коррупциянинг олдини олиш" номли 2-кичик дастурнинг халқаро мувофиқлаштирувчиси Вера Ткаченко, БМТнинг Ривожланиш мақсадлари бўйича миллий консультанти Гулжаҳон Аманова, шунингдек "Одил жиноий судловга кўмаклашиш дастури"нинг миллий мувофиқлаштирувчиси Нафиса Абдуллаева Ўзбекистон Республикаси ИИВга ташриф буюришди.

Здание МВД РФ - Sputnik Ўзбекистон
Ўзбекистонда Россия ИИВ ваколатхонаси очилди
Меҳмонларни Ўзбекистон Республикаси ИИВ Жазони ижро этиш бош бошқармасининг Ташкилий-инспекторлик ва ахборот-таҳлил бошқармаси бошлиғи, подполковник Баҳром Мадиёров кутиб олди. Шунингдек, учрашувда Ўзбекистон Республикаси ИИВ Терроризм ва экстремизмга қарши курашиш бош бошқармаси ҳамда Тергов департаментининг масъул ходимлари иштирок этди.

Тадбир давомида томонлар гиёҳвандлик воситалари контрабандаси ва трансмиллий уюшган жиноятчиликка қарши курашиш, Ўзбекистонда инсон ҳуқуқларини, жумладан, маҳкумларнинг ва маҳбусларнинг ҳуқуқларини таъминлаш каби бир қатор масалаларни муҳокама қилишди.

Музокара иштирокчилари асосий эътиборни мамлакатимиз ва БМТнинг Гиёҳвандлик воситалари ва жиноятчилик бўйича бошқармаси ўртасидаги ҳамкорликни янада ривожлантириш бўйича Амалий тадбирлар режаси ("Йўл харитаси")ни амалга оширишга қаратишди. БМТнинг Гиёҳвандлик воситалари ва жиноятчилик бўйича бошқармаси ҳамда Ўзбекистон Республикаси ИИВ йигирма йил давомида гиёҳвандлик воситалари контрабандаси, трансмиллий уюшган жиноятчилик, одам савдоси, халқаро терроризм ва экстремизмга қарши курашиш масалаларида самарали ҳамкорлик қилиб келаётгани қайд этилди.

Дежурная часть - Sputnik Ўзбекистон
Ўзбекистон ИИВ экспертлик хизматлари кўрсатади
Миттал ўтган 2017 йилни гиёҳвандлик воситаларининг ноқонуний савдосига қарши курашиш борасида самарали йил деб аташ мумкинлигини, ушбу соҳадаги ҳамкорликни жорий йилда ҳам давом эттириш зарурлигини таъкидлаб ўтди.

Бундан ташқари, ИИВ ва БМТ тузилмалари ўртасидаги "Йўл харитаси"ни амалга ошириш ҳамда фуқароларнинг ҳуқуқлари, эркинликлари ва қонуний манфаатларини ҳимоя қилиш сифатини ошириш бўйича жиноий, жиноий-процессуал ва жиноий-ижро этиш тизими соҳасида қонунчиликни такомиллаштириш масалалари борасида келажакдаги ҳамкорликнинг аниқ йўллари бўйича ўз фикр-мулоҳазаларини баён этди.

Миттал, шунингдек, ички ишлар органлари, хусусан жазони ижро этиш муассасалари ходимлари одил жиноий судлов, жиноятчилик ва коррупциянинг олдини олиш соҳасида халқаро тажрибадан самарали фойдаланишлари учун жорий йилда бу йўналишда улар билан ўқув машғулотлари, семинар-тренинглар ўтказишни таклиф этди.

Янгиликлар лентаси
0