Шавкат Мирзиёев ҳукумат таркибини ўзгартиришни бошлади

Oбуна бўлиш
Абдулла Орипов - Ўзбекистон Республикаси Бош вазирининг ўринбосари, Рустам Қосимов - Ўзбекистон Республикаси Олий ва ўрта махсус таълим вазири этиб тайинланди.

ТОШКЕНТ, 14 сен — Sputnik. Ўзбекистон президенти в.б. Шавкат Мирзиёев ўз қарори билан Абдулла Ориповни Бош вазир ўринбосари этиб тайинлади. Бу ҳақда Вазирлар Маҳкамаси ҳукумат порталида хабар қилинган.

Сайлов қутиси - Sputnik Ўзбекистон
Эксперт: Мирзиёев сайловгача жамоани янгилаши мумкин
Абдулла Орипов Вазирлар Маҳкамасида Ёшлар сиёсати, маданият, ахборот тизимлари ва телекоммуникациялари масалалари комплекси раҳбари вазифасини бажаради.

Шавкат Мирзиёев шунингдек, бошқа юқори лавозимли шахсларни ҳам тайинлади. Олий ва ўрта махсус таълим вазири лавозимида 2014 йил апрелидан фаолият кўрсатиб келаётган Алишер Ваҳобов ўрнига Рустам Қосимов тайинланди.

Муқаддам (2004−2008 йилларда) у олий ва ўрта махсус таълим вазири ва бош вазир ўринбосари эди.

Эльмира Иркиновна Боситхонова Ўзбекистон Республикаси Бош вазирининг ўринбосари, Ўзбекистон хотин-қизлар қўмитаси раиси, Ибрагимов Ғуломжон Иномович Ўзбекистон Бош вазирининг ўринбосари, Геология, ёқилғи-энергетика комплекси, кимё, нефт-кимё ва металлургия саноати масалалари комплекси раҳбари этиб тайинланди.

Янгиликлар лентаси
0