ТОШКЕНТ, 16 сен — Sputnik. "Сайлов округларининг рўйхатларига киритилган сайловчиларнинг умумий сони 21,435 млн кишини ташкил қилди", дейилган хабарда.
Марказий сайлов қўмитаси 15 сентябрда сайлов округлари ва улардаги сайловчилар сони ҳамда округ сайлов комиссиялари жойлашган жойлар ҳақидаги рўйхатни маълум қилди.
Аввалроқ Марказий сайлов қўмитаси президент сайловларига 14 та сайлов округи ташкил этилганини тасдиқлаганди.
Сайлов округлари Қорақалпоғистон Республикаси, вилоятлар ва Тошкент шаҳри чегараларида ташкил этилган.
Қонунчиликка кўра, сайлов участкалари овоз беришдан камида 2 ой олдин ташкил этилиши лозим. Овоз беришда фуқаролар 18 ёшдан иштирок этиши мумкин. Овоз беришда суд томонидан лаёқатсиз деб тан олинган ва қамоқ жазосини ўтаётган шахслар иштирок эта олмайди.
1 июль ҳолатига кўра, Ўзбекистон аҳолиси 31,807 млн кишини ташкил қилган.