ТОШКЕНТ, 20 окт — Sputnik. Баронессанинг расмий ташрифи уч кун давом этиб, у бу муддат ичида ҳукумат ва парламент вакиллари билан иккиёқлама учрашувлар ўтказади, деб хабар қилган "Новости Узбекистана" нашри.
"Баронесса Стерн Ўзбекистонда Инсон ҳуқуқлари миллий институтлари ташкил этилганининг 20 йиллигига бағишланган халқаро анжуманда чиқиш қилиб, вазирлик ва Олий Мажлис сенатининг қатор вакилларибилан учрашади", — деб таъкидланган хабарда.
Бундан ташқари, баронесса, жиноий одил судлов тизимини ислоҳ қилиш ҳамда қийноқлар олдини олиш бўйича Ўзбекистон ҳукумати билан ҳамкорликни давом эттириш ниятида.
Баронесса Стерн 1999 йилдан буён Британия парламенти юқори палатаси, лордлар палатасининг мустақил аъзоси ҳисобланади. 2004 йилдан 2008 йилгача Парламент қўмитасининг инсон ҳуқуқлари бўйича аъзоси сифатида фаолият юритган. Бугунги кунда у ўлим жазосини бекор қилиш ҳақидаги парламент гуруҳи, шунингдек, Тожикистон бўйича парламент гуруҳига раҳбарлик қилиб келмоқда.
