Мирзиёев: Имом Бухорий маркази ҳақиқий ислом таълимоти тўғрисида маълумот берсин

© Sputnik / Владимир Астапкович / Медиабанкка ўтишЎзбекистон президенти Шавкат Мирзиёев ШҲТ саммитида
Ўзбекистон президенти Шавкат Мирзиёев ШҲТ саммитида - Sputnik Ўзбекистон
Oбуна бўлиш
Ўзбекистон президенти Останада бўлиб ўтган Шанхай Ҳамкорлик ташкилоти саммитидаги нутқида янги марказ ислом маданияти тараққиётига хизмат қилишини айтди

ТОШКЕНТ, 12 июн — Sputnik. Ўзбекистон президенти Шавкат Мирзиёев Самарқанд вилоятидаги Имом Бухорий ёдгорлик мажмуасига ташриф буюрди, деб хабар қилди "Жаҳон" АА.

Встреча Мирзиёева с главой ИБР - Sputnik Ўзбекистон
Самарқандда Имом Бухорий халқаро илмий-тадқиқот маркази ташкил қилинади
Ўзбекистон раҳбари 8-9-июн кунлари Остона шаҳрида ўтган Шанхай ҳамкорлик ташкилоти саммитидаги нутқида Самарқандда Имом Бухорий номидаги халқаро тадқиқот марказининг ташкил этилиши миллатлараро, маданиятлараро муносабатларни мустаҳкамлашда муҳим қадам бўлишини алоҳида таъкидлади.

Ташкил этиладиган янги марказ ислом маданияти ва қадриятларини тарғиб қилиш, ёшларимизни турли ёт ғоялардан асраш, уларнинг замонавий таълим-тарбия олиши, комил инсон бўлиб етишиши, навқирон авлоднинг қалбида буюк аждодларимизга муносиб бўлишдек юксак туйғуларни шакллантиришга хизмат қилади.

Президент бунёд этилаётган марказнинг умумий концепцияси, атрофини ободонлаштириш бўйича қилинадиган ишлар лойиҳаси ҳақида маълумот берилди.

Муборак Рамазон ойида бундай эзгу ишларни бошлаш ва амалга ошириш ҳар жиҳатдан хайрли ва мақсадга мувофиқдир, деди Мирзиёев.

Встреча Нурсултана Назарабаева и Шавката Мирзиёева в Казахстане - Sputnik Ўзбекистон
Назарбоев ШҲТ саммити очилиш маросимида Мирзиёевга муваффақият тилади
"Пок ниятлар билан бошлаган ишимиз ўз мевасини беради. Яна бир жиҳатга алоҳида эътибор бериш керак. Имом Бухорий мажмуасига зиёратга келувчилар марказга ҳам киради, улар ҳақиқий ислом таълимоти тўғрисида керакли маълумотлар олсин".

Лойиҳаларда мажмуа атрофини ободонлаштириш, йўлларни кенгайтириш, савдо ва маиший хизмат кўрсатиш шохобчалари қуриш ва таъмирлаш лозимлиги ўз аксини топган.

Эслатиб ўтамиз, Ўзбекистон президенти 21-май куни Саудия Арабистонида бўлиб ўтган Араб-мусулмон мамлакатлари ва АҚШ саммити доирасида Ислом тараққиёт банки президенти Бандар Ҳажар билан учрашди. Ўзбекистон билан Ислом тараққиёт банки ўртасида Имом Бухорий номидаги халқаро тадқиқот марказини ташкил қилиш бўйича Англашув меморандуми имзоланди.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0