Мирзиёев Ислом цивилизацияси марказини мутлақо янги дизайнда қуришни буюрди

© Пресс-служба президента РУзШавкат Мирзиёев Ислом маданияти марказини бориб кўрди
Шавкат Мирзиёев Ислом маданияти марказини бориб кўрди - Sputnik Ўзбекистон
Oбуна бўлиш
Шавкат Мирзиёев ислом дини тарғиботида Ўзбекистон юзи бўлишини таъкидлаб, унинг ташқи кўриниши, у ерда ишлатиладиган қурилиш материалларига ҳам эътибор қаратиш лозимлигини қайд этган. "Одатдаги, кўзимиз ўрганиб қолган лойиҳалардан воз кечиб, янги шакл ва дизайн топишимиз керак", - дея топшириқ берган президент

ТОШКЕНТ, 1 сен — Sputnik. Шавкат Мирзиёев Ҳазрати Имом (Хастимом) мажмуасида ташкил этилаётган Ислом маданияти маркази номини Ислом цивилизацияси маркази деб ўзгартиришни таклиф этди, деб хабар қилинди Ўзбекистон президенти расмий сайтида.

Шоазим Миноваров - Sputnik Ўзбекистон
Ислом маданияти марказига раҳбар тайинланди
Лойиҳага кўра, ушбу марказда академия, кутубхона, архив ва қўлёзмалар фонди ташкил этилиб, уларни бугунги Ўзбекистон заминидан етишиб чиққан буюк мутафаккирлар ва уламолар томонидан асос солинган илмий ва диний мактабларга доир юртимизда ва чет элларда сақланаётган қадимий қўлёзма ва тошбосма китоблар, тарихий далил ва ҳужжатлар, археологик топилмалар, осори-атиқалар, шу йўналишдаги замонавий илмий-тадқиқот ишлари, видео ва фото ҳужжатлар билан бойитиш, 300 ўринли конференция зали барпо этиш кўзда тутилган.

"Биз аждодларимиз билан доимо фахрланиб келганмиз. Шундай экан, ўзимиз ҳам уларга муносиб бўлишимиз керак. Ташкил этилаётган марказда ҳам бунинг учун барча шароитларни яратиш, етук олимларни жалб қилиш лозим. Мазкур соҳага оид адабиётларни жамлаш, чет элларда бўлса, юртимизга олиб келиш чораларини кўриш зарур. Бундан ташқари, мамлакатимиздаги диний йўналишдаги тўққизта ўрта махсус ва иккита олий таълим муассасаси ҳам марказ ихтиёрига ўтказилади. Бу ерда сабоқ берадиган ўқитувчилар билими ва савиясига алоҳида эътибор қаратиш даркор", —, деди Мирзиёев.

Шавкат Мирзиёев ислом дини тарғиботида Ўзбекистон юзи бўлишини таъкидлаб, унинг ташқи кўриниши, у ерда ишлатиладиган қурилиш материалларига ҳам эътибор қаратиш лозимлигини қайд этган. "Одатдаги, кўзимиз ўрганиб қолган лойиҳалардан воз кечиб, янги шакл ва дизайн топишимиз керак", — дея топшириқ берган президент.

Лойиҳаларда марказ қурилиши муносабати билан бошқа жойга кўчириладиган аҳоли янги замонавий уй-жойлар билан таъминланади.

Янгиликлар лентаси
0