08:02 21 Сентябр 2017
Эфир
Ўзбекистон президенти Шавкат Мирзиёев

Мирзиёев Қирғизистонга давлат ташрифи билан бормоқда

© Sputnik/ Владимир Астапкович
Сиёсат
Ҳавола олиш
Шавкат Мирзиёевнинг Қирғизистонга давлат ташрифи (14)
44110

Мирзиёев ва Атамбаев икки мамлакатнинг чегараолди ҳудудлари алоқаларини фаоллаштириш, шунингдек, томонларни қизиқтирган минтақавий ва халқаро муаммоларни муҳокама қиладилар

ТОШКЕНТ, 4 сен — Sputnik. Ўзбекистон Республикаси президенти Шавкат Мирзиёев Қирғизистон раҳбари Алмазбек Атамбаев таклифига биноан 5-6 сентябрь кунлари давлат ташрифи билан Қирғизистонда бўлади, деб хабар қилди Ўзбекистон Ҳукумат портали.

Олий даражадаги учрашув ва музокаралар чоғида Ўзбекистон ва Қирғизистон Президентлари ўзаро муносабатларни ривожлантиришнинг асосий масалалари, сиёсий, савдо-иқтисодий, транспорт-коммуникация, маданий-гуманитар ва бошқа соҳалардаги ҳамкорликни янада кенгайтириш ва мустаҳкамлаш истиқболлари, икки мамлакатнинг чегараолди ҳудудлари алоқаларини фаоллаштириш, шунингдек, томонларни қизиқтирган минтақавий ва халқаро муаммоларни муҳокама қиладилар.

Музокаралар якунлари бўйича икки давлат раҳбарларининг Қўшма баёноти, Ўзбекистон-Қирғизистон давлат чегараси ҳақидаги шартнома, мамлакатларимиз ўртасида турли соҳалардаги ҳамкорликни янада ривожлантиришга қаратилган бошқа қатор ҳужжатлар имзоланиши режалаштирилган.

 

Мавзу:
Шавкат Мирзиёевнинг Қирғизистонга давлат ташрифи (14)

Асосий мавзулар