ТОШКЕНТ, 13 окт — Sputnik. Америка Қўшма Штатлари 2018 йилнинг 31 декабрига қадар ЮНЕСКОдаги аъзолигини сақлаб қолади, 2019 йилдан бошлаб эса ушбу халқаро ташкилотда кузатувчи мақомига ўтади, деб баёнот берди АҚШ Давлат Департаменти.
Россия президенти Дмитрий Песков АҚШнинг ЮНЕСКО аъзолигидан чиқишини қайғули хабар, дея изоҳлаган.
Россия Давлат Думасининг халқаро ишлар бўйича қўмитаси раиси Леонид Слуцкийга кўра, АҚШнинг ЮНЕСКОдан чиқиши дунё маданий мерослари соҳасида кўп йиллик жаҳон анъаналарини инкор этишини англатади.
"АҚШнинг ЮНЕСКОдан чиқиши омиллари жуда ғалати. ЮНЕСКО — маданий қадриятларни ҳимоя қиладиган халқаро ташкилот. Туб негизини олиб қарайдиган бўлсак, бу БМТ маданий ўлчови. ЮНЕСКОнинг энг муҳим масаласи жаҳон маданий меросини сақлаб қолиш ҳисобланади", — деб айтган Слуцкий журналистларга пайшанба куни.
"АҚШнинг бу ташкилотдан чиқиши ушбу соҳадаги кўпйиллик жаҳон анъаналарини инкор этишни билдиради. Ҳеч бир милий омил бу қарорни қабул қилишга туртки бўла олмайди. Тушунарсиз. Ғалати. Ва жуда афсусли", — деб таъкидлаган у.
Исроил давлати Бош вазири Биньямин Нетаньяху ҳам АҚШ баёнотидан кейин ўз мамлакатини ЮНЕСКО таркибидан чиқаришга тайёргарлик кўраётганини маълум қилди, деб хабар берди РИА Новости.
"ЮНЕСКО бемаънилик театрига айланиб қолди. Тарихни сақлаб қолиш ўрнига, ЮНЕСКО уни бузиб кўрсатмоқда", — деб хабар қилган Исроил ҳукумати раҳбарияти девонхонаси.
"АҚШ Исроилнинг ЮНЕСКОда таъқиб қилинаётгани туфайли ушбу ташкилотдан чиқаётганидан сўнг, менинг фикримча, улар билан зудликда бу ташкилотдан чиқиш керак" — деб қайд этган ўзининг Facebookдаги саҳифасида Исроил давлатининг ЮНЕСКОдаги элчиси Кармель Шама-Коэн.
