Расман: Молия вазирлигидан 24 амалдор ишдан ҳайдалди

© Sputnik / Сергей Субботин / Медиабанкка ўтишПортфели
Портфели - Sputnik Ўзбекистон
Oбуна бўлиш
22 декабр куни Ўзбекистон президенти Шавкат Мирзиёев мамлакат Молия вазири Жамшид Қўчқоровга вазирликдаги ўзбек халқига нафи тегмайдиган "каламушларни" ишдан олиш топшириғини берган эди. "Агар олмасанг ўзинг ишдан кетасан", - қўшимча қилганди президент. Орадан бир кун ўтиб Молия вазирлигидан 50 киши ишдан олингани ҳақида хабарлар тарқалди...

ТОШКЕНТ, 26 дек — Sputnik. Ўзбекистон миллий ахборот агентлиги Молия вазирлигидан ёппасига 50 киши ишдан олингани ҳақидаги миш-мишларга ойдинлик киритди, деб хабар бермоқда Sputnik Ўзбекистон мухбири.

Президент Узбекистана Шавкат Мирзиеев на заседании совета глав государств - членов Шанхайской организации сотрудничества (ШОС) в расширенном составе - Sputnik Ўзбекистон
Мирзиёев аёвсиз "савалаган" Острогорский ким?
Эслатиб ўтамиз, Ўзбекистон президенти Шавкат Мирзиёевнинг 22 декабрдаги Олий Мажлисга Мурожаатномасида Молия вазирлиги тизимидаги жиддий камчиликлар, ҳаддан ташқари бюрократия ҳолатлари, айниқса давлат молиявий назорати ходимларининг ножўя ҳатти-ҳаракатлари ва тизимдаги бошқа йиғилиб қолган салбий ҳолатлар очиқ-ойдин айтиб ўтилди.

ЎзА берган расмий хабарга кўра, 22 декабр куни Мирзиёев танқидидан кейин Молия вазирлиги марказий аппаратидан 2 нафар бош бошқарма бошлиғи, 2 нафар бош бошқарма ўринбосари, 4 нафар бошқарма бошлиғи, 1 нафар бошқарма бошлиғи ўринбосари, 3 нафар бўлим бошлиғи ҳамда 4 нафар ходим, жами 16 киши эгаллаб турган лавозимидан озод этилган. Бугунги кунга келиб буларнинг сафига 8 киши қўшилган ва бу рақам 24 тани ташкил этади.

Жумладан, Ғазначилик бошлиғи ўринбосари — Амалиёт бошқармаси бошлиғи Ф.Нурмуҳамедов, Бухгалтерия ҳисоби ва аудит услубиёти бошқармаси бошлиғи Ш.Хайдаров, Саноатнинг базавий тармоқлари ва ёқилғи-энергетика мажмуи молияси бошқармаси бошлиғи вазифасини бажарувчи А. Абдуллаев, Давлат молиявий назорати бош бошқармаси бошлиғининг ўринбосари М.Агзамов, Солиқ ва божхона-тарифи сиёсати бошқармасининг бошлиғи И. Голишева, Давлат молиявий назорати бош бошқармаси Ташкилий-услубий ишлар бўлими бошлиғи Б.Жумаевлар эгаллаб турган лавозимларидан озод этилди, деб хабар қилган нашр.

Янгиликлар лентаси
0