Сергели метросининг қурилиши жорий йилдан бошланади

© Facebook / Водители ТашкентаТошкент метросининг янгиланган поезди
Тошкент метросининг янгиланган поезди - Sputnik Ўзбекистон
Oбуна бўлиш
Хабарларга кўра, Тошкент метрополитени ер усти йўли давомийлиги 8 километрни ташкил этади. Метронинг янги линияси Чилонзор станциясининг сўнгги бекати бўлмиш "Олмазор"дан "Спутник" массивигача давом этади

ТОШКЕНТ, 5 окт — Sputnik. Тошкент шаҳри Сергели туманида метрополитен қурилиши жорий йилдан бошланади, деб хабар қилган туман маъмурияти раҳбари Фурқат Мақсудхўжаев бугун ўтказилган матбуот-анжумани давомида.

Мақсудхўжаевнинг сўзларига кўра, метрополитеннинг янги йўли тўлиқ ер устида жойлашган бўлиб, унинг давомийлиги 8 километрни ташкил қилади. Ва у Чилонзор станциясининг сўнгги бекати бўлмиш "Олмазор"дан "Спутник" массивигача давом этади.

"Жами олтита станция бунёд этилади. Олдиндан қилинган ҳисоб-китобларга кўра, бу лойиҳани ҳаётга татбиқ этиш учун 4 йил вақт керак бўлади", — деб таъкидлаган у.

Тошкент метросининг янги лойиҳаларига оид сурат - Sputnik Ўзбекистон
Интернетда Тошкент метросининг янги лойиҳаларига оид суратлар пайдо бўлди
Эслатиб ўтамиз, илгарироқ ижтимоий тармоқларда Тошкент метрополитенининг кенгайтирилган лойиҳаси суратлари пайдо бўлган эди. Унда Тошкент метросининг мавжуд, қурилаётган ва қурилиши ҳали бошланмаган барча йўллари кенг харитаси тасвирланган. Харитага кўра, "Чилонзор" йўли жанубий йўналишда "Сергели" йўли билан туташади, шимолий йўналишда эса, "Буюк Ипак йўли" бекатидан сўнг, Трактор заводига томон камида яна учта бекат билан тўлдирилади.

Лойиҳага кўра метрополитеннинг "Сергели" йўли жами 12 бекатдан иборат бўлади ва уларнинг фақат 4 таси (лойиҳавий номлари — "Чоштепа", "Ўзгариш", "Дўстлик", "Сергели") шаҳарнинг Сергели туманидан ўтади, қолгани эса Тошкент ҳалқа автомобиль йўли бўйлаб, Чилонзор буюм бозори, Ўрикзор бозори, Ибн Сино, Жарариқ мавзелари орқали янги ТошМИга етиб боради.

Янгиликлар лентаси
0