05:46 23 Феврал 2017
Эфир
Алмазбек Атамбаев

Атамбаев армияни кучайтириш кераклигини таъкидлади

© Sputnik/ Михаил Климентьев
Жамият
Ҳавола олиш
113 0 0

Мамлакат раҳбари Қирғизистон қуролли кучлари бош штаби бошлиғи Райимберди Дуйшембиевни қабул қилди

ТОШКЕНТ, 17 окт — Sputnik. Президент Алмазбек Атамбаев ҳарбий хизматчиларга эътибор, қуролли кучларни модернизация қилиш ва қайта қуроллантириш мамлакатнинг бош устувор вазифаларидан бири эканлигини айтди, деб хабар беради Қирғизистон президенти матбуот хизмати.

Душанба куни мамлакат раҳбари Қирғизистон қуролли кучлари бош штаби бошлиғи Райимберди Дуйшембиевни қабул қилди.

Атамбаевга қуролли кучларни мустаҳкамлаш ва ривожлантириш, шунингдек мудофаани таъминловчи давлат органларининг ўзаро ҳамкорлигини ташкиллаштириш тизимини такомиллаштириш бўйича олиб борилаётган ишлар ҳақида ахборот берилди.

"Ҳарбий раҳбарият, ҳарбийларнинг ўзлари ҳарбий тартибни кучайтириш бўйича фаол иш олиб боришлари, қуролли кучлар таркибида коррупциянинг илдиз отишига йўл қўймасликлари лозим", — деди Қирғизистон президенти.

Атамбаев замонавий таҳдидларга ўз вақтида, муносиб жавоб қайтара оладиган қуролли кучлар тизимини шакллантириш ишларини тезроқ ниҳоясига етказиш кераклигини таъкидлади.