02:16 10 Декабр 2016
Эфир
Қуръон ўқиш

Ўзбекистонда Ислом илмий-тадқиқот маркази ташкил этилиши мумкин

© Sputnik/ Саид Царнаев
Жамият
Ҳавола олиш
102 0 0

"Биз асл исломий қадриятлар ва мусулмон маданиятини ҳимоя қилишимиз лозим", — деди Мирзиёев

ТОШКЕНТ, 18 окт — Sputnik. Самарқандда Ислом ҳамкорлиги ташкилоти шафеълигида Ислом илмий-тадқиқот маркази ташкил этилиши мумкин. Бу ҳақда Ўзбекистон Президенти вазифасини бажарувчи, Бош вазир Шавкат Мирзиёев билдирди, деб хабар бермоқда РИА Новости.

"Биз Самарқанд шаҳрида ислом дунёси олимлари ва донишмандлари меросини ўрганиш бўйича Ислом ҳамкорлиги ташкилоти шафеълигида Ислом илмий-тадқиқот марказини ташкил этиш таклифини билдирамиз", — деди Мирзиёев Тошкентда ИҲТ ташқи ишлар вазирлари кенгашининг 43-сессияси очилиш маросимида.

Унинг сўзларига кўра, бундай марказнинг ташкил этилиши Ўзбекистоннинг ИҲТ ТИВКдаги "таълим ва маърифат – тинчлик ва бунёдкорлик йўли" шиори остидаги раислигининг устувор мақсадларидан биридир.

Мирзиёев Ўзбекистон заминида Имом ал Бухорий, Имом ат Термизий, Абу Райҳон Беруний, ал Хоразмий, Имом ал Мотуридий каби ислом оламининг буюк ва машҳур намояндалари яшаб ўтишганини эслатиб ўтди.

Ўзбекистон ташқи ишлар вазирлигининг маълум қилишича, сессияда ИҲТнинг йигирма олти аъзо давлатлари вакиллари иштирок этади. Сессияда шунингдек, ИҲТ бош котиби, Ислом тараққиёт банки президенти, АҚШ, Франция, Италия, Буюк Британия ва Швейцариянинг махсус элчилари, қатор халқаро ва ҳудудий ташкилотлар вакиллари қатнашадилар.

Тошкентдаги йиғилиш давомида юздан ортиқ резолюциялар, хусусан, ИҲТ кун тартибининг асосий масалалари акс этган Тошкент декларацияси, ташкилотнинг ТИВКда Ўзбекистон раислигининг устуворликларини тасдиқлаш режалаштирилган.

ИҲТ 1969 йил сентябрда ижтимоий, иқтисодий ва сиёсий соҳаларда ислом бирдамлигини таъминлаш учун ташкил этилган. 2011 йилга қадар у Ислом конференцияси ташкилоти номи билан аталган. ИҲТга 57 мамлакат аъзо. Ўзбекистон ушбу ташкилотга 1996 йилда аъзо бўлган. Россия 2005 йилдан буён ташкилотда кузатувчи мақомига эга.

Асосий мавзулар

  • Игорь Николайчук

    Марказий Осиё республикасида ҳукумат алмашинуви ташқи аралашувларсиз ўтиши лозим ва шундай бўлади, деб ишонади РСТИ эксперти Игорь Николайчук

    547
  • Ўзбекистон МСК мажлиси, архив сурат

    Ўзбекистон Марказий сайлов комиссияси 9 декабрь куни бўлиб ўтган мажлисда Шавкат Мирзиёевни Ўзбекистон Президенти лавозимига сайланган деб ҳисоблаш тўғрисида қарор қабул қилди

    262
  • Ўзбекистонда Президент сайловларидан кейинги ҳолат, воқеа жойида олинган сурат

    Хитой халқаро радиосининг веб-саҳифасида мамлакатимизда бўлиб ўтган Президент сайлови мавзусига багъишланган мақола эълон қилинди. Мақолада Ўзбекистонда Президент сайловининг муваффақиятли ўтгани Марказий Осиёда барқарорлик ва хавфсизликнинг муҳим кафолати ҳисобланиши қайд этилган

    392