07:55 23 Феврал 2017
Эфир
Ўзбекистон миллий университети архив сурат

Миллий университетга икки йил давомидаги учинчи ректор тайинланди

© Sputnik/ А. Варфоломеев
Жамият
Ҳавола олиш
102 0 0

Авазжон Марахимов 2010-2011 йилларда Халқ таълими вазири сифатида фаолият кўрсатган

ТОШКЕНТ, 19 окт — Sputnik. Мирзо Улуғбек номидаги Ўзбекистон Миллий университетига Тошкент давлат Техника университети техника фанлари доктори, профессори Авазжон Марахимов ректор этиб тайинланди. Бу ҳақда олий ўқув юрти сайтида хабар берилмоқда.

У шу йилнинг майида ректор этиб тайинланган физика-математика фанлари доктори, профессор Абдураҳим Абдушукуров ўрнини эгаллади. Абдушукуровдан олдин эса 2015 йилнинг ёзида Шуҳрат Сирожиддинов университетга ректор этиб тайинланганди.

Авазжон Марахимов 2010-2011 йилларда Халқ таълими вазири сифатида фаолият кўрсатган. Унгача эса Олий ва ўрта махсус таълим вазири ўринбосари лавозимида ишлаган.

Миллий университетга ректор этиб тайинлангунига қадар Марахимов Тошкент давлат техника университетининг "Бошқаришда ахборот технологиялари" кафедраси профессори лавозимида фаолият кўрсатган.