Тошкент аэропорти - дунёнинг энг ёмон аэропортлари бешлигидан ўрин олди

© Foto : Peter GriffinЙўловчилар самолёт рейсини кутишмоқда
Йўловчилар самолёт рейсини кутишмоқда - Sputnik Ўзбекистон
Oбуна бўлиш
Тошкент халқаро аэропорти хизмат кўрсатиш даражаси (сервис ёмонлиги) пастлиги сабабли энг ёмон деб таъкидланган аэропортлар бешлигига киритилган. Саййёҳлар аэропортдаги улкан навбатлардан жуда ҳам норози бўлишган

ТОШКЕНТ, 20 окт — Sputnik. The Guide to Sleeping in Airports сайти дунёнинг энг ёмон ва энг яхши аэропортлари рўйхатини эълон қилган. Тадқиқот давомида 26 мингдан зиёд саёҳатчилар фикри ўрганилган. Респондентлар аэропортларга бир неча критерийлар — яъни қулайлиги, тозалиги, мижозларга хизмат кўрсатиш (сервис) сифатига қараб баҳо беришган.

Урганч халқаро аэропорти - Sputnik Ўзбекистон
Урганч аэропорти - МДҲ давлатларидаги энг яхши аэропорт деб тан олинди
Энг ёмон аэропортлар рўйхатининг биринчи позициясини Нигериядаги Port Harcourt International Airport эгаллаган. Хизмат кўрсатиш сифати пастлиги бўйича иккинчи ўринда Саудия Арабистонидаги King Abdulaziz International Airport аэропорти келмоқда. Учинчи ўринда — Непалдаги ягона халқаро аэропорт (Kathmandu Tribhuvan International Airport) турибди.

Тўртинчи ўрин — Тошкент Халқаро аэропортига ажратилган. Саййёҳлар аэропортдаги улкан навбатлардан қаттиқ норози бўлишган.

Энг ёмон аэропортлар бешлигини эса Каракасдаги Caracas Simón Bolívar International Airport халқаро аэропорти якунлайди.

Сингапур (Changi International Airport), Сеул, Жанубий Корея (Incheon International Airport), Токио, Япония (Haneda International Airport), Тайван (Taoyuan International Airport) ҳамда Гонгконг (Hong Kong International Airport) аэропортлари эса энг яхши аэропортлар бешлиги сифатида эътироф этилган.

Янгиликлар лентаси
0