00:29 22 Ноябр 2017
Эфир
Компьютерда ишлаш. Архив сурат

Миллий вакансиялар банки ташкил этилди

© Flickr / Travis Isaacs
Жамият
Ҳавола олиш
152671

Ташкилотлардан бўш иш ўринлари ҳақида олинган маълумотлар Меҳнат вазирлиги томонидан Миллий Вакансиялар банкига жойлаштирилади.

ТОШКЕНТ, 11 янв — Sputnik. Меҳнат вазирлиги миллий иш қидириш тизимини ишга туширди. Бундан буён пайдо бўлган янги иш жойлари ва иш қидираётган фуқаролар таржимаи ҳоллари ish.mehnat.uz сайтида жойлаштирилиши мумкин, деб хабар қилмоқда вазирлик матбуот хизмати.

“Бундан буён юридик шахслар кабинетларида мавжуд бўлган вакансиялар ҳақидаги маълумотларни юборишлари мумкин. Меҳнат вазирлиги ходими олинган маълумотлар асосида вакансиялар ҳақидаги маълумотларни Миллий  вакансиялар банкига жойлаштиради. Кейин уларни вакансиялар порталга кирган ҳар бир киши кўриши мумкин”, — дейилган матбуот хизмати хабарида. 

Янги тартиб меҳнат дафтарчалари олиш тизимини ҳам тўлиқ автоматлаштиради.  Меҳнат вазирлиги хабарига кўра, бугунги кунда ушбу тизимга 85 вазирлик ва муассасалар уланган. Кейинчалик Миллий вакансиялар банкига 200 мингга  яқин ташкилот уланиши режалаштирилган.

Асосий мавзулар