Шавкат Мирзиёев бу йил Наврўз қандай нишонланишини айтди

© AP Photo / Anvar IlyasovЎзбекистон президенти Шавкат Мирзиёев
Ўзбекистон президенти Шавкат Мирзиёев - Sputnik Ўзбекистон
Oбуна бўлиш
Биз бу йил Наврўзни халқ сайли қиламиз. Ҳамма район ҳокимлари эшитсин - далаларда, боғларда сайл бўлади, деди Мирзиёев

ТОШКЕНТ, 8 фев — Sputnik. Бу йил Ўзбекистонда Наврўз байрами кенг нишонланади, деб айтди Шавкат Мирзиёев Вазирлар Маҳкамасининг кенгайтирилган мажлисида сўзлаган нутқида.

Шавкат Мирзиёев - Sputnik Ўзбекистон
Шавкат Мирзиёев ҳокимларга жарима солишни таклиф қилди
"Таъкидлаш керакки, бугунги мажлисимизга вазир Аҳмедовнинг (Маданият ва спорт ишлари вазири Б. Аҳмедов демоқчи, таҳр.) тайёрлаб келган жонсиз ҳисоботини мен ўзим кўрдим. Ҳеч қандай танқидга чидамайди. Бу ҳисоботда на таҳлил, на аниқ таклиф бор. Айнан шунинг учун ҳам Аҳмедов, сизнинг маданиятни ривожлантиришдаги ишларингиз асосан юбилейларни ўтказиш билан чекланиб қоляпти. Сиз ҳам, ўринбосарларингиз ҳам вазиятни тубдан яхшилашга ҳаракат қилмаяпсиз.

Биз бу йил Наврўзни халқ сайли қиламиз. Ана шуни ҳамма билсин. Биз ҳозирдан тайёргарлик қилайлик. Бу йил одамлар билан мулоқот йили деб эълон қилдик. Наврўз — сайл бу. Шунинг учун мана ҳамма район ҳокимлари эшитсин — далаларда, боғларда сайл бўлади. Тошкенда ҳам мана шу 11та районимизда боғлар қуряпмиз, биз топшириқ бердик, сайлда қатнашамиз ҳаммамиз. 

Одамлар эмин-эркин хоҳлаган боғига борсин, мазза қилсин", — деди Мирзиёев.

Янгиликлар лентаси
0