ТОШКЕНТ, 5 апр — Sputnik. Тошкент шаҳар ҳокимлиги матбуот-хизматининг хабарига кўра, ўтган давр мобайнида Ўзбекистон Республикаси Президентининг Тошкент шаҳридаги ва туманлардаги Халқ қабулхоналарига 2334 та ёзма ва оғзаки мурожаат келиб тушган. Фуқаролар бевосита шаҳар Халқ қабулхонасига 1699 марта ёзма ва оғзаки тарзда мурожаат қилишган.
Бевосита шаҳар бўйича Халқ қабулхоналарига тушган ёзма мурожаатларнинг 14 %и юқори турувчи давлат ва хўжалик бошқаруви органлари ваколатлари доирасига тааллуқли бўлиб, улар Ўзбекистон Республикаси президентининг виртуал қабулхонасига киритилган. Қолган 86 % мурожаатларда кўтарилган масалалар Тошкент шаҳридаги мутасадди давлат ва хўжалик бошқаруви органларига ижро учун жўнатилган.
Шунингдек, туман ҳокимликларида, корхона, ташкилот ва муассасаларда фуқаролар қабулхоналари ташкил қилинган.
Ўзбекистон Республикаси Президентининг Тошкент шаҳридаги Халқ қабулхонаси Миробод тумани, Амир Темур шоҳ кўчаси, 14-уй манзилида жойлашган.
Ўзбекистон Республикаси Президентининг Тошкент шаҳри туманларида фаолият юритаётган Халқ қабулхоналари манзиллари:
Бектемир тумани — Ҳусайн Бойқаро шоҳ кўчаси, 2-уй.
Миробод тумани — Нукус кўчаси, 18-уй.
Мирзо Улуғбек тумани — Қаландар кўчаси, 2-уй.
Сергели тумани — Сергели 3-даҳаси, Обиҳаёт кўчаси, 3а-уй.
Олмазор тумани — Талабалар кўчаси, 54-уй.
Шайхонтоҳур тумани — Тўрақўрғон кўчаси, 1а-уй.
Чилонзор тумани — Чилонзор 2-мавзе, Арнасой кўчаси, 32-уй.
Юнусобод тумани — Осиё кўчаси, 4а-уй.
Яккасарой тумани — Шота Руставели кўчаси, 85-уй.
Яшнобод тумани — Авиасозлар кўчаси, 7а-уй.
Ўзбекистон Республикаси Президентининг Тошкент шаҳридаги ва туманлардаги Халқ қабулхоналари душанба-жума кунлари соат 9.00 дан 18.00 гача ишлайди.
