Тошкент метросида хавфсизлик чоралари кучайтирилди

Oбуна бўлиш
Санкт-Петербургдаги терактдан кейиноқ Ички ишлар вазирлиги раҳбарияти пойтахт метросидаги барча бекатларни кўздан кечирган

ТОШКЕНТ, 6 апр — Sputnik. Санкт-Петербургда содир этилган террорчилик ҳаракатидан сўнг Тошкент милицияси метрополитенда назоратни кучайтирди, деб маълум қилди Тошкент шаҳар ИИББ бошлиғи ўринбосари Дониёр Тошхўжаев бугун бўлиб ўтган брифингда.

Унинг айтишича, Санкт-Петербургдаги терактдан кейиноқ Ички ишлар вазирлиги раҳбарияти пойтахт метросидаги барча бекатларни кўздан кечирган.

Президент Узбекистана Ш. Мирзиеев на церемонии возложения цветов к мемориалу Ленинград в память о погибших в результате теракта в метро Санкт-Петербурга - Sputnik Ўзбекистон
Шавкат Мирзиёев "Ленинград" ёдгорлигига гул қўйди

"Вазирлик раҳбарияти метродаги барча бекатларни кўриб, милиция ходимлари қанчалик самарали ишлаётганлигини шахсан текширишди. Ҳозирда текширувнинг икки босқичи ташкиллаштирилди: биринчиси — метрополитенга киришда, иккинчиси — турникет олдида. Россияда содир бўлган терррочилик ҳаракатларидан сўнг бекатлардаги тиғизликдан келиб чиқиб ходимлар бириктирилди", — деди у.

Шунингдек, тез орада махсус ромли металл аниқлагичларни келтириш ва ўрнатиш масаласи ҳал бўлади. Тошхўжаевнинг сўзларига кўра, бу масала ҳокимият билан биргаликда кўриб чиқилмоқда.

Ҳозирда пойтахт метроси учта линиядан иборат бўлиб, 29та бекат мавжуд.

Янгиликлар лентаси
0