Ўзбекистонда Россиянинг олий навли картошкаси етиштирилади

© Sputnik / Виталий Аньков / Медиабанкка ўтишКартошка йиғиб олинмоқда
Картошка йиғиб олинмоқда - Sputnik Ўзбекистон
Oбуна бўлиш
Олий навли картошка уруғининг илк партияси Ўзбекистонга жўнатиб бўлинди. Қолган уруғлик 15 майдан кечиктирилмасдан тўлиқ етказиб берилади, деб хабар қилди "Упоровское время" телеканали

ТОШКЕНТ, 26 апр — Sputnik. Россиянинг Упорово шаҳридаги "КРиММ" агрофирмаси  ва AGROVER қишлоқ хўжалиги компанияси Ўзбекистон Республикасига олий навли "Розара" ва "Рэд Скарлет" картошкаси уруғидан 600 тонна етказиб беришга шартнома тузди. Бу ҳақда Тюменская линия ахборот агентлиги хабар қилди.

Ўзбекистонга картошка уруғини етказиб беришдан аввал 2 минг тонна картошка етказиб бериш бўйича битим тузилган эди. Шундан сўнг томонлар ҳамкорликни кенгайтириш қарорини қабул қилдилар.

Торговля на оптово-розничном рынке - Sputnik Ўзбекистон
Шавкат Мирзиёев картошка тақчиллигини бартараф этиш бўйича кўрсатма берди
"Биринчи битимни тугатиб, биз икки тенг ҳуқуқли ҳамкор сифатида ишимизга баҳо бердик. Икки томон ҳам бу ҳамкорликдан афсус чекмади. Шунинг учун кейинги шартномани 600 тонна картошка уруғини етказиб беришга туздик", деб айтган "КРиММ" бош директори Геннадий Рязанов.

Картошка хорижга жўнатилишидан аввал жиддий сифат назоратидан ўтади. Дастлаб уруғлик корхона ичида яширин зарарланганликларга текширилади. Сўнгра Россельхозцентрнинг Тюмендаги филиали уруғликдан намуналар танлаб, маҳсулотнинг мувофиқлик сертификатини топширади. Мамлакатдан экспорт қилиш учун, шунингдек, фитосанитар сертификат берилади.

"КРиММ"нинг картошка уруғининг илк партияси Ўзбекистонга жўнатиб бўлинди. Қолган уруғлик 15 майдан кечиктирилмасдан тўлиқ етказиб берилади, деб хабар қилган "Упоровское время" телеканали.

Эслатиб ўтамиз, жорий йил бошида Россия Федерацияси Қишлоқ хўжалиги вазири Александр Ткачев Россия Ўзбекистонга дон, балиқ ва балиқ маҳсулотлари, уруғлик картошка, шунингдек қандолатчилик маҳсулотлари етказилиши ҳажмини оширишдан манфаатдор эканлигини маълум қилган эди.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0