ТОШКЕНТ, 2 май — Sputnik. “Ўзбекистон Ҳаво йўллари” миллий авиакомпанияси “Нукус” аэропортига халқаро парвозларни қабул қилиш 1 майдан бошлаб тўхтатилганини хабар қилди.
Ушбу чора аэровокзал мажмуасини таъмирлаш мақсадида амалга оширилган.
Ушбу муносабат билан, Ўзбекистон Ҳаво йўлларининг HY 626 сони “Нукус – Москва – Нукус” йўналишидаги парвози Урганч аэропортига кўчирилади ва қуйидаги тартибда амалга оширилади:
HY-625 Урганч – Москва, 10:35 – 12:25.
HY-626 Москва – Урганч, 13:35 – 19:25.
Хабарда шунингдек, Миллий авиакомпания ушбу ноқулайликлар учун йўловчилардан узр сўраши айтилган.
“Ўзбекистон Ҳаво йўллари” – Ўзбекистондаги ягона авиакомпания бўлиб, республика ҳудудидаги барча фуқаро авиацияси самолётлари ва аэропортлар Миллий авиакомпания тизимига киради.